Kasıb olmaq niyə bahalıdır? Gəl bunu sadə bir misalla izah edək. @ilyasexpress Marketdə dəri əlcək 10 manatdır və o, tam bir ay dözür. Siz həm də 1 manata plastik əlcək ala bilərsiniz, amma o hər gün cırılır. İlyasın bolca manatı var, buna görə də ilk gündən dəri əlcəyi alır. Röyalın isə cibində cəmi 2 manat var. O da dəri əlcək istəyərdi, ama gücü çatmır, məcbur olub plastik əlcək alır. Ertəsi gün əlcək cırılır, o birini də alır, sonra birini də, birini də... Ayın sonuna çatanda Röyal əlcəklərə tam 30 manat xərcləmiş olur, İlyas isə cəmi 10 manat! Üstəlik Röyalın əlində hələ də sadəcə plastik əlcək var. O, daha pis əlcək üçün üç dəfə baha pul ödədi. Və bu hələ harasıdır! Bir gün Röyalın əlcəyi yenə cırılır və cibində bir manat da qalmır. Məcbur olub tanış adamdan manat borc alır — həmin adam Cümə gününə kimi 2 manat qaytarılmasını istəyir. Röyal bir gün gecikdirəndə borc olur 3 manat! İlyas isə bu cür faizləri heç vaxt ödəmir, çünki onun borc almağa ehtiyacı yoxdur. Real həyatda da belədir: tez dağılan ucuz ayaqqabılar, kiçik paçkalarda alınan baha qidalar, borc almaq və gecikmə cərimələri... İlyas manatlarını idarə etməkdə Röyaldan daha ağıllı deyil, sadəcə onun ilk gündən cibində 10 manatı var idi. #azerbaijan #azerbaycan #keşfet #ilyas #royal - @az.mentor