@papa.yeva: بعد أي خسارة كبيرة، أهم حاجة محتاجها إنك تقف على رجليك من جديد وعشان تقدر تعمل ده، إنت محتاج أهم حاجتين عندك: طاقتك وتركيزك.! بس تخيل إنك تستهلك كل الطاقة اللي محتاجها عشان تبني اللي جاي، في محاولة إنك تغيّر اللي فات! وده بالضبط اللي بيحصل لما تفضل تحاسب نفسك على كل حاجة حصلت، وتفكر في كل قرار أخدته، وكل حاجة كان ممكن تعملها، كأنك كنت تقدر تتحكم في كل الظروف وتمنع كل الخسائر.! وهنا لازم تفهم الفرق بين حاجتين: إنك تتحمل مسؤولية حياتك، وإنك تحمّل نفسك مسؤولية كل حاجة بتحصل فيها. لأن مش كل حاجة حصلتلك كانت في إيدك، ومش كل نتيجة وحشة معناها إنك قصّرت. فيه حاجات كان ممكن تعملها بشكل أحسن، ودي تتعلم منها. وفيه حاجات مهما حاولت ما كنتش هتقدر تتحكم فيها، ودي لازم تتقبل إنها حصلت وتسلّمها لربنا. لأن طول ما إنت بتحاول تتحكم في اللي خلاص خرج عن سيطرتك، إنت بتفقد سيطرتك على الحاجات اللي لسه في إيدك. وده معناه إن الخسارة مش بس أخدت منك حاجة في الماضي، لكنها كمان بدأت تاخد منك فرص في المستقبل. فافتكر دايمًا: إنت مش هتقدر تغيّر اللي حصل، لكن تقدر تمنع اللي حصل من إنه يفضل يتحكم في اللي هيحصل.! ما تديش للماضي من طاقتك أكتر من اللي أخده منك بالفعل 🗣️

papa.yeva

Open In TikTok:

Region: SA

Thursday 22 October 2026 15:58:59 GMT