@bizimyolinfo: Arzuları gerçəkləşdirdiyi deyilən məbəd… Bura Şəkinin Kiş kəndində yerləşən qədim Alban məbədidir. Yerli inanclara görə, insan bir problemlə üzləşəndə bura gəlib niyyət edir, məbədin ətrafında üç dəfə dövrə vurur və qəpiyi divara yapışdırır. Qəpik divarda qalarsa, arzunun gerçəkləşəcəyinə inanılır. Bu inanc o qədər yaşadılıb ki, məbədin bərpası zamanı divarın bir hissəsi məhz bu adətin qorunması üçün saxlanılıb. Amma Kiş məbədinin əsas sirri tarixindədir. Bu abidə Azərbaycanın, hətta bütün Qafqazın ilk xristianlıq abidələrindən biri hesab olunur. Onun əsası eramızın I əsrində Müqəddəs Yeliseylə əlaqələndirilir. Arxeoloji tədqiqatlar zamanı isə məlum olub ki, kilsədən əvvəl də burada daha qədim dini ayin məkanı olub. Qədim əşyalar və çoxsaylı qəbirlər də aşkarlanıb. Məbəd qaya daşlarından tikilməsi, dairəvi quruluşu və özünəməxsus memarlıq üslubu ilə də seçilir. 2000-ci ildə başlayan Azərbaycan-Norveç layihəsindən sonra, 2003-cü ildən Kiş məbədi muzey kimi fəaliyyət göstərir. Bu gün isə burada həm qədim tarix, həm də əsrlərdir yaşadılan bir inanc qorunur. Hazırladı: @Leyla Mirzə

Bizimyol.info

Open In TikTok:

Region: AZ

Thursday 22 October 2026 16:44:00 GMT