@kartikeyshukla08: Kuch zakham kabhi bharte nahi kyunki unka koi gawah nahi hota. Wo maafi jo kabhi maangi nahi gayi. Wo taareef jo kabhi mili nahi. Jab chot lagti hai, log dekhte hain. Koi poochhta hai, koi daanta hai, koi dawa laata hai. Us dekhne se baat poori ho jaati hai. Ghaav ka ek gawah ban jaata hai. Lekin kuch cheezein aisi hoti hain jo hui hi nahi. Wo maafi jo kabhi maangi nahi gayi. Wo ek taareef jo ghar mein kisi ke muh se nikli hi nahi. Wo haath jo tab nahi badha, jab sabse zyada zaroorat thi. In sab ka koi gawah nahi hota.. kyunki dekhne ke liye wahan kuch tha hi nahi. Aur jiska gawah nahi hota... wo khatam bhi nahi hota. Jo hua uska naam hota hai, din hota hai, aadmi hota hai. Jo nahi hua uske paas naam bhi nahi hai. Aur bina naam wali cheez ki shikayat nahi ki ja sakti. Phir sabse bada nuksaan hota hai... aadmi khud pe shak karne lagta hai. Shayad main hi zyada soch raha hoon. Ye shak us kami se bhi zyada todta hai. Kyunki ab wo akela nahi hai ab wo apne hi khilaaf khada hai... Toh gawah kahan se laao? Kahin se nahi. Khud ban jao.Ek baar, akele mein, apne aap se keh do ki... Mere saath wo nahi hua jo hona chahiye tha. Aur main zyada nahi soch raha. Kyunki wo ghaav badla nahi maang raha tha. Wo saalon se sirf ek gawah maang raha tha. #emotionalhealing #innerchildhealing ...#viralvideotiktok #fypシ゚ #philosophy Aaj raat ek chhota sa kaam karna✈ Akele mein, apne aap se bas ek baar keh dena: Mere saath wo nahi hua jo hona chahiye tha. Aur main zyada nahi soch raha. Kya nahi hua yahan likhne ki zaroorat nahi. Bas comment kar dena... ki aaj tum apne ghaav ke gawah bane.

427

2026-10-30 01:42:14

2026-10-23 04:25:32

To see more videos from user @kartikeyshukla08, please go to the Tikwm homepage.