@zayelnas: ليه حاسس إن دماغك تقلت ومبقتش تفهم بسرعة؟ بتقرا الصفحة مرتين وتلاتة وتنسى، وبتحس إن غيرك بيلقط الفكرة في ثانية؟ المشكلة في الأغلب مش في معدل ذكائك.. المشكلة في عادات يومنا اللي بتطفي عضلة التفكير. في الحلقة دي من "زي الناس" هنمشي مع بعض في ٦ عادات علمية بسيطة بتعيد تدريب مخك إزاي يفكر ويتعلم ويحل المشاكل، ونبدأ بتجربة سواقين تاكسي لندن اللي أثبتت إن المخ بيتغير ويتقوى بالتدريب (المرونة العصبية). 🧠 الـ ٦ عادات: ١. عافِر قبل ما تسأل جوجل أو الذكاء الاصطناعي (الصعوبات المرغوبة) ٢. خلوة التفكير الصامت: ربع ساعة من غير موبايل ٣. فكّر على الورق ٤. اخرج بره صندوق تخصصك ٥. الاسترجاع النشط بدل القراءة المتكررة (أقوى طريقة للمذاكرة والحفظ) ٦. الراحة والنوم جزء من الشغل ⏱️ محتوى الحلقة: 0:00 ليه دماغك تقلت؟ 0:39 المشكلة مش في ذكائك 1:07 تجربة سواقين تاكسي لندن 2:17 المرونة العصبية: مخك بيتغير 2:29 تأثير جوجل: ليه بقينا أبطأ 3:01 العادة ١: عافِر قبل ما تسأل 3:34 العادة ٢: خلوة التفكير الصامت 3:57 فاينمان والدفاتر الورقية 4:30 العادة ٣: فكّر على الورق 4:48 العادة ٤: اخرج بره صندوق تخصصك 5:16 العادة ٥: الاسترجاع النشط 5:58 العادة ٦: الراحة والنوم 6:29 العقل والتفكر في القرآن 7:01 الخلاصة: اختار عادة واحدة 7:28 سؤال الحلقة 💬 قولّي في التعليقات: إيه أكتر حاجة حاسس إنها أضعفت تركيزك وذاكرتك؟ الاعتماد على الموبايل والذكاء الاصطناعي، ولا قلة الهدوء وكتر المقاطعات؟ 📚 المصادر: Maguire et al. (2000). Navigation-related structural change in the hippocampi of taxi drivers. PNAS 97(8). Sparrow, Liu & Wegner (2011). Google Effects on Memory. Science 333. Bjork, R. A. (1994). Desirable Difficulties. Karpicke & Roediger (2008). The Critical Importance of Retrieval for Learning. Science 319. James Gleick (1992). Genius: The Life and Science of Richard Feynman. القرآن الكريم: سورة الأنعام 50، سورة البقرة 44. «إنما العلم بالتعلُّم»: يُروى عن أبي الدرداء موقوفًا، وصحّ شطره الأول عن ابن مسعود رضي الله عنهما. 🖼️ الصور: صورة إليانور ماغواير (Duncan.Hull, CC BY-SA 4.0)، صورة روبرت بيورك (UQx Think101, CC BY 3.0)، صورة ريتشارد فاينمان 1959 (ملكية عامة)، كلها من Wikimedia Commons. عيشها بوعي، وعيشها صح.. زي الناس 🤍 #زي_الناس #تقوية_الذاكرة #تطوير_الذات

𝑻𝒂𝒍𝒊𝒂💕. :

ازاي بجد مش مشهور

🇮 🇧 🇷 🇦 🇭 🇮 🇲 :

يعممم اختصررررررررررررر

𐙚𝟏𝟏:𝟏𝟏🍒. :

قلة الهدوء و كثرة المشتتات (سببها الموبايل ) وقلة الراحة والنوم + المحتوى جميل جدا

Omaruzomaki :

طب لو الكلام مبدخلش اصلا

noor :

شكلي ما فهمت ولا شي من الفيديو شو سبب

محمد غفر الله له 🤍✨ :

الاعتماد على الموبايل في كل حاجه

محمد بن عمر🌓1427 📚 :

بيجد كمل تحفه

عُمَر :

ما شاء الله تبارك الله

Maha Mohamed :

كلااااام جميل ومفيد

سيف :

عالمي

Soma Abdulrahim :

الموبايل هو العادة السيئة 🥺

⭐ :

اول مرا اشوفك وتستاهل الفولو والله🙏🏻

MOSAB :

محتوي جميل ماشاء الله

𝓱𝓪𝓷𝓮𝓮𝓷𓂀 :

ان انا مبقتش ادي لنفسى فرصة افكر ومش عاوزة ابذل مجهود والتفكير الزائد المرهق للأعصاب والسكرول على الفيديوز القصيرة بدون هدف 🙂

M :

والله مشاكل النوم دمرت مخي بس نقول الحمد لله دائما

𝒎𝒐𝒉𝒂𝒎𝒆𝒅||مَـحًـمِــ🌪ـد :

ياريت تكمل بدون موسيقى

🎤RADAR 📡 رادار🎤 :

انا عندي 21 سنه والمشكله ان انت بتتكلم عنها ديت عندي من وانا صغير خالص يعني حوالي 11 سنه ولا حاجه انت مفكر ان انا لوحدي اللي عندي المشكله دي لما اكون واقف مع واحد صاحبي بتكلم معاه الكلام مش عاوز يخش مخي خالص عمال يقول عمال اقابله ايوه ماشي حمص مش عارف ايه اللي بيحصل كل ما اقطع بتزيد معايا😂

Esraa Hassan :

ببقي في الدرس بلاقي نفسي بسرح جامد و المشكله دي كبرت عن حدها لان مبقتش مركزه ف اي حاجه خالص

#Ziad_Abuzeid :

إصلاح العقل: ١. عافر وفكر قبل ما تسأل ٢. اقعد مع نفسك من غير مشتتات ٣. سجل أفكارك على ورق ٤. ما تحبسش دائرة معارفك على تخصصك او تخصص معين ٥. لما تقرأ اقراء بتركيز صفحة واقفل الكتاب وراجعها واشرحها مع نفسك ٦. النوم النوم النوم والراحة نام بدري وخد كفايتك واصحي بدرى (لجسدك عليك حق)

MERNAA💎 :

عافر فى حل المشكلة قبل كا تسأل اقعد من غير تليفون ع الاقل ١٥ ساعة فى هدوء فكر على الورق اخرج برا صندوق تخصصك و اقرأ برا تخصصك الاسترجاع النشط (اقرأ الصفحة مرة واحدة و بتركيز، و اقفل الكتاب، ارجع استرجع اللى قريته و فهمه لنفسك) النوم و الراحة

Amany Mohammed :

بارك الله فيك

fatty🦕 :

تحفه والاداء تحفه والاديت تحفه وربط العلناء تحفه حرفيا جميل خالص بالتوفيق

𝐍𝐞𝐰 𝐘𝐨𝐮𝐬𝐬𝐞𝐟 :

محمد غفر الله له 🤍✨ :

اللهم صلي وسلم وبارك على سيدنا محمد 🤍🥹

『سيـــ📚ــف/SAIF』 :