@lsun.21: دايما بشوف ان في فكرتين للحياة واحدة مبنية على فكرة المسئولية ودي اللي تخلي صاحبها طول الوقت شاغل باله ب "أنا ورايا إيه؟" .. "عامل اللي عليا ولا مقصر؟" والتانية مبنية على فكرة الاستحقاق ودي بتخلي صاحبها طول الوقت شاغل باله ب" أنا معايا إيه؟" .. "واخد اللي استاهله ولا استاهل زيادة" لما تعود نفسك على الطريقة الأولى هتلاقي سعيك بيزيد، إنجازك بيزيد ولما الفكرة التانية تسيطر عليك هتلاقي رضاك بيقل وتقبلك لواقعك بيقي أصعب وده اللي تفهمه من حديث الرسول عليه الصلاة والسلام (الكيِّسُ مَنْ دَانَ نفْسَه، وعَمِلَ لما بعدَ الموْتِ، والعاجزُ مَنْ أتْبعَ نَفْسَه هواها، وتمنَّي علَي اللهِ) الرسول عليه الصلاة والسلام بيفرق ما بين اتنين واحد كيس يعني ذكي و واحد عاجز الكيس هو اللي بيقلل أماني نفسه ويزود شغل العاجز هو اللي سايب نفسه لهواها وبيتمنى وبس ومن جميل الوصف النبوي إن الرسول عليه الصلاة والسلام لم يصف الأول إنه ذكي والتاني إنه غبي .. مع إن ده الترتيب المتوقع .. لكنه قال الكيس والعاجز .. لإن ده اللي بيوصف حال التاني .. العجز والعياذ بالله. قلة العمل مع كثرة التمنى تورث العجز وهنا في سؤال مهم هو غلط إن الواحد يتمنى إنه يكون في حال أفضل ؟ أكيد لأ .. الغلط إنه يتمنى من غير ما يسعى للتغيير ده الخلاصة أطلب من نفسك سعي أكتر، بس خليك دايما راضي عن النتيجة عشان السعي منك، والنتيجة من الله سبحانه وتعالى #ما_لا_يسع_المؤمن_جهله #دعاء_جميل #قريب_مجيب #ما_لا_يسع_المؤمن_جهله #اللهم_صلي_على_نبينا_محمد
