@drnesrin1: بنتك حتقابل في حياتها بنات يحبّوها، و ممكن يستغلوها، و ممكن يستبعدوها… وعشان كده، علّميها بدري دي الأشياء: لا تجري ورا أحد كل مرة يختار يهمشك و يتركك برا. الصداقة مو اختبار لازم تنجحي فيه عشان تبقي مع الشله. انتبهي لشعورك بعد ما تجلسي معاهم. الصديقة الصح ما تخليكي ترجعي البيت تشكي في نفسك وقيمتك. اللي تضحك على إحراجك و تكشف أسرارك، أو تستمتع بوجعك… أبدا أبدا مو قاعدة تمزح!! صدقي التصرفات المتكررة، مو التلاعب بعقلك دايما ولا تغيّري نفسك عشان تنقبلي. الناس الصح ما يحتاجوا منك تصغري نفسك عشان تناسبيهم. والغيرة مو دليل محبة. الصديقة الحقيقية تفرح لفرحتك، بدون ما تحسسك بالذنب على نجاحك. وكونك طيبة، مو معناته إن الكل له نفس المساحة في حياتك. ممكن تسامحي… وبرضه تقللي وصولهم لك. وأهم شيء علمي بنتك🤍 هي ما تحتاج مية صديقة. تحتاج إنسانة تحس معاها بالراحة و انها تكون نفسها و مقدرة كصديقة. واذا ما لقيتيهم… لا تعلميها تخاف من الوحدة لدرجة تبيع كرامتها عشان ما تكون لحالها.