كنا خلاص اتفقنا على الطــلاق والمأذون ميعاده معانا بعد الضهر ونمت على كنبة الصالة وأنا قلبي شايل منها جبال لحد ما صحيت الفجر على صوت همس غريب وعياط مكتوم جاي من ورا باب أوضتها الخناقة المرة دي مكنتش زي أي مرة المرة دي كل واحد فينا قال للتاني الكلام اللي مبيترجعش فيه الكلام اللي بيدبـح المودة وبيخلي الوشوش تكــره تبص لبعضها قعدنا قدام بعض قولتلها إحنا جيبنا آخرنا وكفاية بهـدلة لحد كده أنا كلمت المأذون وهنخلص كل حاجة بكرة بالمعروف وكل واحد يروح لحاله بصتلي يومها بنظرة ناشفة مفيهاش دمعة واحدة وقالتلي بنفس الكِبر والعند وأنا معنديش مانع ياريت تخلّص بدري عشان ألحق ألم حاجتي قبل ما أهلي يجوا حاولت أنام فضلت أتقلب على الكنبة وأنا جوايا نــار بتاكل في صدري والشيطان قاعد جنبي بيفكرني بكل كلمة وجـعتني منها وبيقولي شفت باعتك في ثانية إزاي شفت مفرقتش معاها العشرة ولا الأيام الحلوة إزاي إنت لازم تطـلّقها بكرة وتورّيها إنك مبتقفش على حد على الساعة ٤ ونص الفجر الجو كان تلج والشقة غرقـانة في ضلمة وسكون يشبه سكون المقـابر قمت عشان أدخل الحمام وأشرب مية وأنا معدي في الطرقة لمحت خط نور خفيف أوي طالع من تحت باب أوضة ومعاه صوت نهنهة وشهقة مكتومة كأن حد بيطلّع في الـروح وقفت مكاني واتسمرت هي مش كانت نايمة مش كانت بتكلمني بليل بجبروت وبتقولي ياريت تخلّص بدري قربت من الباب حافي من غير ما أعمل صوت وبصيت من الفتحة الصغيرة لقيتها فارشة سجادة الصلاة على الأرض لابسة إسدالها الأبيض وساجدة على الأرض بقالها كتير لدرجة إن جسمها كله بيتنفض من كتر البكا وفي وسط سجودها سمعتها بتكلم ربنا بصوت مخــنوق ومكسـور عمرها ما كلمتني بيه وبتقول يا رب إنت عالم إن قلبي بيحبه ولساني اللي عانده يا رب أنا مليش غيره ومش عايزة بيتي يتهد بس الكِبر لجم لساني والشيطان دخل بينا يا رب اهديه ليا واهديني ليه ونزّل السكينة على قلبه قبل ما يطلع النهار أنا مقدرش أعيش في الدنيا دي غريبة عنه بعد ما كان أماني وستري والله العظيم الكلمات دي نزلت على قلبي زي المية الساقعة رجلي مابقتش شايلاني وسندت بضهري على حيطة ولقيت دموعي نازلة من غير ما أحس يعني اللي كانت من كام ساعة واقفة قدامي عاملة فيها جبل وبتقولي طـلّقني بدري هي نفسها اللي قايمة في تلت الليل الأخير والناس نايمة تفرش سجادتها وتعيط لربنا وتتحايل عليه إن الصبح ميطلعش غير وإحنا متصالحين في اللحظة دي بس فهمت إيه اللي كان وصل بيتنا للمرحلة دي إحنا مبطلناش نحب بعض إحنا بس بطلنا نصلي سوا بقالي شهور طويلة بنام عن صلاة الفجر وهي تنام من تعب البيت والبركة اتسحبت من شقتنا حتة بحتة لحد ما الشيطان فرَش في الصالة وقعد بينا وبقى يكبّر التافهة ويعمي عينينا عن كل حاجة حلوة عملناها لبعض مشيت بالراحة دخلت الحمام فتحت الحنفية واتوضيت وأنا جسمي كله بيترعش أول ما خرجت كان أذان الفجر بيرفع في المسجد اللي جنبنا الله أكبر الله أكبر جبت سجادة الصلاة التانية بتاعتي ودخلت الأوضة بالراحة وهي لسه في سجدتهاوفرشت سجادتي قدام سجادتها بالظبط في اتجاه القبله أول ما رفعت راسها من السجود وسلمت اتفاجئت بيا واقف قدامها على السجادة وعيوني حمرا من العياط اتخضت وحاولت تمسح دموعها بسرعة بكم الإسدال عشان متبانش ضعيفة قدامي بس أنا ملحقتهاش نزلت على ركبي قدامها مسكت إيديها الاتنين اللي كانوا متلجين وبستهم وقلتلها بصوت مبحوح قومي يا بنت الحلال صلي ورايا الفجر ربنا استجاب دعوتك قبل ما ترفعي راسك من السجدة والبيت اللي يجمعنا فيه أذان الفجرمستحيل يفرّقه مأذون الضهر انفـجرت في العياط ورمت نفسها في حضني وهي لسه بإسدال الصلاة وقعدنا نعيط إحنا الاتنين زي طفلين كانوا تايهين في ضلمة ولقوا بعض كبرت تكبيرة الإحرام ووقفت هي ورايا وأول ما قرأت الفاتحة بصوت مسموع وهي أمنت ورايا بصوتها المخنوق من البكا حسيت إن حيطان الشقة نفسها بتتنفس وإن التقل والغل اللي كانوا كاتمين على صدورنا دابوا كأنهم مكنوش موجودين أصلاً تاني يوم الصبح كلمت المأذون واعتذرتله ومن يومها وإحنا واخدين عهد على نفسنا إن مهما اختلفنا ومهما الدنيا ضغّطت علينا منبه الفجر ميتقفلش والسجادة متتلمش من الأرض يا جماعة البيوت مش بتتهد عشان المشاكل كبرت البيوت بتتهد لما النور بيطفي جواها الشيطان بياخد راحته بيخلي الكلمة البسيطة تبان إهانة والنظرة العادية تبان استحقار والعِند يركب الدماغ لحد ما كل واحد يكسر التاني عشان يحس إنه انتصر حُصنوا بيوتكم بركعتين في الضلمة لأن الحب لوحده مبيحمييش البيوت من العواصف اللي بيحمي البيوت هي البركة اللي بتنزل من السما وقت ما الناس كلها نايمة ربنا يبعد الشيطان عن بيوتنا ويؤلف بين قلوب كل زوجين ﴿وَأَلَّفَ بَيْنَ قُلُوبِهِمْ ۚ لَوْ أَنفَقْتَ مَا فِي الْأَرْضِ جَمِيعًا مَّا أَلَّفْتَ بَيْنَ قُلُوبِهِمْ وَلَٰكِنَّ اللَّهَ أَلَّفَ بَيْنَهُمْ} - @user103174679