@habibulloh.media: Inson nima uchun Yaratuvchini izlaydi? Aslida, har bir inson: «Bu dunyoning maʼno-mohiyati nima?», «Men bu dunyoda qanday yashashim kerak?», «Oʻlgandan keyin boshqa hayot bormi?» degan savollarga javob izlaydi. Bu savollarga esa insonning oʻzi yolgʻiz ham, koʻpchilik boʻlib ham javob topa olmaydi. Shuning uchun ham: «Agar bu borliqning Yaratuvchisi bor boʻlsa, demak, mening bu savollarimga faqat U javob bera oladi», deb Yaratuvchining borligini izlaydi. Osmonga, Yerga, hayvonlarga, oʻsimliklarga va insonning oʻz tana tuzilishiga qarab, bularning har biri cheklangan, yaʼni muayyan bir qonuniyat bilan tartibga solinganini koʻradi. Shunday qilib, bu tartibning Tuzuvchisi bor boʻlishi zarur, U esa Yaratuvchi Alloh taolodir, degan xulosaga keladi va Ushbu Yaratuvchidan oʻzini qiynayotgan savollarga javob olishga harakat qiladi. Olgan javobi esa uning yashash tarziga asos boʻladi. Masalan, «bu dunyo bir kunlik oʻynab-kulib qoladigan joy ekan» degan xulosaga kelsa, amallari ham shunga muvofiq boʻladi. Yoki «bu dunyo imtihon hovlisi» degan toʻxtamga kelsa, bu fikr ham uning hayot tarzining asosiga aylanadi.

Habibulloh MEDIA

Open In TikTok:

Region: US

Friday 23 October 2026 02:45:51 GMT