@qadam.mrc2024: 🌿 ҚЫЗЫЛОРДАДА «GREEN ARAL: VOLUNTEERS FOR LIFE 2026» ХАЛЫҚАРАЛЫҚ ВОЛОНТЕРЛЕР АПТАЛЫҒЫ БАСТАУ АЛДЫ Қызылордада Арал өңірінің табиғатын сақтауға және экологиялық мәдениетті қалыптастыруға бағытталған «GREEN ARAL: VOLUNTEERS FOR LIFE 2026» халықаралық волонтерлер апталығының ашылу рәсімі өтті. 🌍 Ауқымды шара Мемлекет басшысы Қасым-Жомарт Тоқаевтың бастамасымен БҰҰ жариялаған Халықаралық волонтерлер жылына орай ұйымдастырылды. Ашылу салтанатына облыс әкімінің бірінші орынбасары Данияр Жаналинов, ҚР Мәдениет және ақпарат министрлігінің өкілдері, қоғам қайраткерлері, Өзбекстан, Қырғызстан және Қазақстанның 10 өңірінен келген 100 волонтер, сондай-ақ 500-ден астам белсенді жас қатысты. Жиында Данияр Жаналинов волонтерліктің маңызына тоқталып, Арал өңірінің экологиялық мәселелерін шешудегі ортақ жауапкершілікті атап өтті. Сонымен қатар, волонтерлік қозғалыстың дамуына үлес қосқан белсенді азаматтар облыс әкімінің Алғыс хатымен марапатталды. 🤝 Апталық аясында қатысушылар экологиялық бастамаларын таныстырып, тәжірибе алмасады. Негізгі іс-шаралар Арал ауданында өтеді. Сондай-ақ, жастар арасындағы ынтымақтастықты нығайту мақсатында «KZO CAMP: ONE COMMUNITY» республикалық волонтерлер слеті ұйымдастырылды. 💚 GREEN ARAL

qadam.mrc2024

Open In TikTok:

Region: KZ

Friday 23 October 2026 04:32:30 GMT