အချစ်ဆိုတာ တစ်သက်စာဖျက်မရတဲ့ အရိပ်ပမာ ။ အလွမ်းဆိုတာကမ္ဘာဦးမှော်ဝင်နတ်များရဲ့နှစ်ချို့ကျိန်စာ။ ချစ်ခြင်းရဲ့အစေအပါးရယ်လို့ပြောချင်သူများ ပြောရော့ ။ ကျွန်တော်ကတော့ အချစ်ကဗျာ အချစ်ဝတ္ထု များ အရေးသန်တာကိုတော့ ဝန်ခံရပါမယ် ။ အချို့သူများလည်း ကျွန်တော့်လိုဖြစ်ချင်ဖြစ်မှာပါ ။ အချစ်နဲ့ပါတ်သက်ပြီး ၂၀၁၇ လေအန်ကုန်း အမှတ် ( ၂ ) မဂ္ဂဇင်းမှာပါတဲ့ ကျွန်တော့်ဝတ္ထုတိုထဲမှာ အချစ်ဆိုတာ ဘာလဲဆိုပြီး ဇာတ်ကောင်မောင်နိုင်ကိုမေးခိုင်းပြီး ယခုလို ဖြေထားပါတယ် ။ အချစ်ဆိုတာ အင်္ဂလိပ်လို Love ပေါ့ ။ Love ဆိုတာ အချစ်တစ်ခုတည်း မဟုတ်ဘူး ။ သဘောတရားနဲ့လက် တွေ့ အတူပေါင်းစပ်ဆောင်ရွက်ရမယ့် လူမှုကိစ္စတစ်ခု...။ ဆက်မရေးတော့ပါဘူး။ အမုန်းလား ဒီနေ့မရှိဘူး ဝတ္ထုတို ပေါင်းချုပ်မှာ ပြန်ထည့်ထားပါတယ် ။ ဖတ်ကြည့်လိုက် နော်။ ကျွန်တော်ပြောချင်တာက ကျွန်တော့်ဝတ္ထုတွေ ကဗျာတွေကို ဖတ်မိတဲ့စာဖတ်သူအချို့က ကျွန်တော့် အနေနဲ့ စကားလုံးတွေလိုသလိုသုံးနိုင်အောင် ဘယ်လိုရှာကြံပါသလဲ ။ ဝတ္ထုနဲ့ကဗျာဖြစ်အောင်ဘယ်လိုစဉ်းစား ပါသလဲ ။ မေးခွန်းတွေကို မေးတတ်ကြပါတယ် ။ အဲဒီမေးခွန်းက ကျွန်တော်ဖြေရခက်တဲ့မေးခွန်းပါ။ အဲဒါကြောင့်လည်း ထူးထူးခြားခြားပြန်မဖြေခဲ့ပါဘူး ။ ဆရာ ဆရာမ အချို့က မင်းဆက်ပိုင် ဟာ စကားလုံးအသုံးအ နှုန်းကြွယ်တယ်။ ဆန့်ကျင်ဖက်စကားလုံးတွေကိုပေါင်းစပ်သုံးတတ်တယ်လို့ ပြောဆိုဖူးပါတယ် ။ မြန်မာစာအစ်ကိုလည်းဖြစ် ဆရာလည်းဖြစ်တဲ့ ဆရာနန္ဒာမိုးကြယ်ကတော့ မင်းဆက်ပိုင်ဟာ ကဗျာမည်သော ကဗျာတို့ကို နုချင်တဲ့အခါနု ကြမ်းချင်တဲ့အခါကြမ်းပြီး ကဗျာဆန်ဆန်ရေးနိုင်စွမ်းရှိသူလို့ ပြောခဲ့ပါတယ် ။ စာဖတ်သူအချို့ပြောသလို ကျွန်တော့်အနေနဲ့ လည်း အချို့သောစကားလုံးတွေ ဘယ်လိုရလာသလဲ သိ ချင်ပါတယ် ။ ပိုပြောတာမဟုတ်ပါဘူး ။ အချို့သော ဆရာ ဆရာမတွေလည်းဖြစ်ဘူးကြမှာပါ ။ ဒီတစ်ခါတော့ စကားလုံးတွေဘယ်လိုတည်ဆောက်သလဲ ။ ကဗျာ ဝတ္ထုတွေကို ဘယ်လိုတည်ဆောက်သလဲဆိုတာကို ကျွန်တော်တတ်သ လောက်နည်းနည်းပြောကြည့်မယ်နော် ။ မှားရင်ခွင့်လွှတ်ပါ ။ စာရေးဆရာ ကဗျာဆရာ ဒါမှမဟုတ် အနုပညာ သမားတွေဟာ ခံစားမှုအားကောင်းရပါတယ် ။ အခြားသူ ခံစားနေတာကိုလည်း မိမိခံစားရသလို ချက်ခြင်းခံစားနိုင်ရပါမယ် ။ မိမိစိတ်ကို ပျော့ပျော့ပြောင်းပြောင်းထားရပါမယ် ။ ခံစားမှုကို ပြောင်းလွယ်ပြင်လွယ် လုပ်နိုင်ရပါမယ် ။ ဥပမာ ရုပ်ရှင်ထဲမှာ မင်းသမီးတွေ ငိုနေတာကနေ ချက်ခြင်း ရယ်လိုက်တာတွေ့ဖူးမှာပါ ။ အဲဒါ ခံစားမှုကိုပြောင်းလွယ် ပြင်လွယ်လုပ်တတ်တာပါ ။ စာရေးဆရာ ကဗျာဆရာတွေလည်း အဲဒီလိုစိတ်မျိုးရှိနေရပါမယ် ။ ထပ်ပြောရင် စာရေးတဲ့သူတွေအားလုံး ဗျည်း ၃၃ လုံး ကို ကိုင်ရေးတာပါ ။ စာရေးဆရာ ကဗျာဆရာတွေလည်း ဗျည်း ၃၃ လုံးကိုပဲကိုင်ရေးတာပါ။ အပိုမရပါဘူး။ ဒါဖြင့် စာရေးဆရာ ကဗျာဆရာတွေရဲ့စကားလုံးက ဘာကြောင့် ပြောင်မြောက်ပြီးနုချင်တဲ့အခါနု ကြမ်းချင်တဲ့အခါကြမ်းလို့ရနေတာလဲ ။ အဲဒါ စာရေးဆရာ ကဗျာဆရာတွေ ရင်ထဲ မှာရှိနေတဲ့စိတ်ကြောင့် တစ်နည်းအားဖြင့် အနုပညာစိတ် စိတ်ကြောင့်ဖြစ်ပါတယ် ။ ကဲ ဒီလောက်ဆိုရင် ကျွန်တော့်အနေနဲ့ စကားလုံးတွေ ဘယ်လိုရှာကြံသလဲ ။ ကဗျာတွေ ဝတ္ထုတွေ ဘယ်လိုတည်ဆောက်သလဲ ဆိုတာသိလောက် ပြီလို့ ထင်ပါတယ် ။ ဆရာလုပ်တယ်လို့မထင်နဲ့နော် ။ ကဗျာတစ်ပုဒ်တင်လိုက်ပါ့မယ် ။ ကျေးဇူးပါ ။ ပန်းသခင်ရဲ့ ကြယ်တွေခူးတဲ့လက် ကြယ်ကလေးရေ..ငိုနေတာလား ပျို ပျိုမေ မခူးတာ ဦးသူရှိနေလို့ .......။ ဘယ်လို ဘယ်လို ကြွေချင်တယ် ဟုတ်လား ..... ကြွေလိုက်လေ... အလွမ်းတွေကို ပန်းဖူးဖူးလေးလို ခူးလိုက်ပါ့မယ်..မခို့တရို့ ....... ။ ။ မင်းဆက်ပိုင် - @naw..ban