@azpolitika: AZƏRBAYCANA AVTOMOBİL AXINI KƏSKİN AZALDI... – Səbəb nədir, qiymətlərə necə təsir edəcək? Azərbaycana xarici ölkələrdən gətirilən avtomobillərin sayında ciddi azalma qeydə alınıb. Bu ilin yanvar-sentyabr aylarında ölkəyə 57 min 275 avtomobil idxal edilib. Bu, ötən ilin eyni dövrü ilə müqayisədə 27 min 982 ədəd və ya 33 faiz azdır. Nəqliyyat eksperti Raqif Raufoğlu idxalın azalmasını güzəştlərin ləğvi, avtomobil qiymətlərinin artması və logistika problemləri ilə əlaqələndirib. Onun sözlərinə görə, xüsusilə Çin istehsalı avtomobillərin Azərbaycan bazarında böyük paya malik olması səbəbindən güzəştlərin aradan qaldırılması qiymətlərə və idxala ciddi təsir göstərib. Alıcılar ötən il ölkəyə gətirilmiş avtomobillərə daha çox maraq göstərirlər. Ekspert həmçinin Çin–Azərbaycan marşrutunda daşınma gecikmələri, sərhədlərdə növbələr və nəqliyyat xərclərinin artdığını bildirib. Rusiyada yanacaqla bağlı çətinliklər və sərhəd-keçid məntəqələrində uzun növbələr də avtomobillərin daşınmasını ləngidir və əlavə xərclər yaradır. Çindən Qazaxıstanın Aktau limanına daşınan yüklərdə də gecikmələr və konteyner növbələri müşahidə olunur. Ətraflı “AzPolitika” saytında.
