@tbctaifadigital: Abdulrahman Kabelwa, Mkaguzi wa Uhamiaji, amesema mwombaji wa pasipoti ya kusafiria Tanzania lazima awe raia wa Tanzania, awe na cheti cha kuzaliwa na atimize masharti mengine yanayotakiwa kulingana na umri wake. Akizungumza katika kipindi cha Jamvi la Machweo cha TBC Taifa, Rabelwa amesema waombaji waliozaliwa mwaka 1980 na kuendelea wanatakiwa kuwa na vyeti vya kuzaliwa, huku waliozaliwa mwaka 1979 na kabla yake wakiruhusiwa kutumia hati ya kiapo kulingana na masharti yanayotumika. Amefafanua kuwa viambatisho vya maombi ya pasipoti hutofautiana kulingana na shughuli za mwombaji. Mtumishi anatakiwa kuwa na barua na kitambulisho cha kazini, mwanafunzi barua na kitambulisho cha chuo, mwanamichezo uthibitisho kutoka klabu au taasisi yake, huku mfanyabiashara akitakiwa kuwasilisha leseni ya biashara na namba ya utambulisho wa mlipa kodi (TIN).