@mugalzhar.gazeti: ЕЛДІК ПЕН ЕРКІНДІК САЛТАНАТЫ Бүгін аудандық мәдениет үйінде Қазақстан Республикасының күніне орай «Елдік пен еркіндік салтанаты» атты салтанатты шара өтті. Мерекелік шара батырлар, Алаш қайраткерлері, ақын-жазушылар мен Желтоқсан құрбандарының бейнесін сомдаған театрландырылған композициямен ашылды. Отанға деген сүйіспеншілік пен елдік рухты дәріптеген қойылым көрерменге ерекше әсер сыйлады. Салтанатты жиында аудан әкімі Дархан Ермағанбетов жиналған қауымды ұлттық мерекемен құттықтап, елдің дамуы мен ауданның өркендеуіне үлес қосып жүрген азаматтарға ізгі тілегін білдірді. Шара барысында бірқатар азаматтар еңбегі мен кәсіби жетістіктері үшін марапатталды. Атап айтқанда, Ауыл шаруашылығы министрлігінің «Ауыл шаруашылығы саласының үздігі» төсбелгісімен «Берекет» шаруа қожалығының басшысы Мнайдар Елжанов, ал «Еңбек ардагері» медалімен «Дәурен» шаруа қожалығының шопаны Берік Нұрманов марапатталды. Сондай-ақ Ақтөбе облысының кәсіпкерлік және индустриалдық-инновациялық даму басқармасының басшысы Досжан Әлібековтің Алғыс хаты жеке кәсіпкерлер Гүлсім Кенжебаева, Бағдагүл Қуанышева, Ұлысбек Сираш және Нұржан Отарбаевқа табысталды. Бұдан бөлек, түрлі салада еңбек етіп жүрген бірқатар маман аудан әкімі Дархан Ермағанбетовтің Алғыс хатымен марапатталды. Мерекелік шара соңы патриоттық әндер мен ұлттық аспаптарда орындалған әсем шығармаларға ұласты. Елдік пен бірлікті ұлықтаған кеш қатысушыларға мерекелік көңіл-күй сыйлады.

2310

2026-10-23 14:26:07

To see more videos from user @mugalzhar.gazeti, please go to the Tikwm homepage.