@aqkol_auyly: АҚКӨЛ КЕЛЕШЕК МЕКТЕБІНДЕ ТАҢАТАР ДӘРЕЛҰЛЫМЕН КЕЗДЕСУ ӨТТІ Бүгін Ақкөл келешек мектебінде Құрманғазы аудандық «Серпер» газетінің ұзақ жылдар бойы бас редакторы қызметін атқарған, Қазақстан Жазушылар одағының мүшесі, Қазақстан Журналистер одағы сыйлығының лауреаты, «Құрмет» орденінің иегері Таңатар Дәрелұлымен кездесу өтті. Тағылымды кездесуге Ақкөл ауылдық округінің әкімі Қадыржан Дүйсенбайұлы қатысты. Кездесудің негізгі мақсаты – жас ұрпаққа ұлттық рухани құндылықтарды дәріптеу, туған жерге деген сүйіспеншілікті арттыру, сондай-ақ журналистика мен әдебиет саласының маңызын түсіндіру. Кездесу барысында Таңатар Дәрелұлы өзінің өмір жолы, журналистика саласындағы көпжылдық тәжірибесі мен шығармашылық қызметі туралы әңгімелеп, оқушылармен ой бөлісті. Жас ұрпаққа білімнің маңыздылығын, кітап оқудың пайдасын және ана тілін құрметтеудің мәнін түсіндірді. Еркін форматта өткен жүздесу жас буынға ой салып, рухани тәрбие мен тағылымға толы болды. Мұндай кездесулер өскелең ұрпақтың таным көкжиегін кеңейтіп, елге еңбегі сіңген тұлғалардың өнегелі өмір жолын үлгі етуге мүмкіндік береді.

aqkol_auyly

Open In TikTok:

Region: KZ

Friday 23 October 2026 07:30:34 GMT