@leqalxeber.az: LEQAL XƏBƏR məlumat verir ki, Milli Məclis magistratura (rezidentura) və doktorantura (adyunktura) təhsilini başa vuraraq elmi dərəcə almış hərbçilərin “leytenant” rütbəsində xidmət müddətinin azaldılmasını ilk oxunuşda qəbul edib. Məsələ parlamentin iclasında müzakirəyə çıxarılan “Hərbi xidmətkeçmə haqqında” Əsasnamənin təsdiq edilməsi barədə və “Hərbi vəzifə və hərbi xidmət haqqında” qanunlara dəyişiklik layihəsində əksini tapıb. Layihəyə əsasən, Azərbaycan Silahlı Qüvvələrinin və hərbi xidmət nəzərdə tutulan digər dövlət orqanlarının sifarişi ilə magistratura (rezidentura) təhsilini bitirmiş, eləcə də doktoranturada (adyunkturada) təhsilini başa vuraraq elmi dərəcə almış zabitlərin hərbi rütbədə olma müddətinin azaldılması nəzərdə tutulur. Müddətin ali təhsilin hər bir müvafiq səviyyəsi üzrə bir dəfə olmaqla 1 il azaldılması təklif edilir. Bundan əlavə, “leytenant” hərbi rütbəsində xidmət müddətinə dair qaydalar da yenilənir. Təhsil müddəti 5 il olan xüsusi təyinatlı hərbi təhsil müəssisələrini bitirmiş hərbi qulluqçular üçün bu müddətin 2 il, aviasiyanın uçuş heyətində və sualtı gəmilərdə xidmət edənlər üçün 1 il müəyyən edilməsi nəzərdə tutulur. Müvafiq icra hakimiyyəti orqanının müəyyən etdiyi digər hallarda da müddət 1 il olacaq. Qeyd edək ki, dəyişiklik layihəsi ilk oxunuşda qəbul edilib. #azərbaycan #ordu #qanunvericilik #legalxeber #xeber

Leqalxeber

Open In TikTok:

Region: AZ

Friday 23 October 2026 08:39:48 GMT