@toplumtv: Naxçıvan Muxtar Respublikası Kənd Təsərrüfatı Nazirliyinin tərkibindəki “Naxçıvan Aqroservis” ASC-nin İdarə Heyətinin sədri Cavid Ağaməliyev həbs edilib. Yerli media orqanlarının oktyabrın 22-də yaydığı məlumata görə, Cavid Ağaməliyev dövlət əmlakını mənimsəməkdə şübhəli bilinir. Naxçıvan Şəhər Məhkəməsi müstəntiqin vəsatəti, prokurorun təqdimatı əsasında onun barəsində 4 ay müddətinə həbs qətimkan tədbiri seçib. Qurumun rəhbəri barəsində Cinayət Məcəlləsinin 179.3.2-ci - külli miqdarda mənimsəmə və ya israfetmə maddəsi ilə cinayət işi açıldığı bildirilir. Bu maddə üzrə təqsirli bilinən şəxsi 5 ildən 10 ilədək azadlıqdan məhrumetmə cəzası gözləyir. Cavid Ağaməliyevin ittihama münasibəti hələlik məlum deyil. 2022-ci ildə Naxçıvan Ali Məclisinin sədri Vasif Talıbovun istefasından sonra muxtar respublikada bir sıra yüksəkvəzifəli şəxslər mənimsəmə ittihamları ilə istintaqa cəlb olunub.

Toplum TV

Open In TikTok:

Region: AZ

Friday 23 October 2026 09:07:42 GMT