@amirazfood: الطواجن أصلها مصري، الطواجن هدية مصر للشرق🇪🇬✨ سلسلة طواجن مصرية | الجزء الثاني: طاجن بامية باللحمة🥩 طريقة البامية؛ * نحمر اللحمة في معلقة سمنة و نضيف عليها فلفل اسود و كسبرة ناشفة حبهان وورق لورا تقليبة و نضيف ثوم مفروم و فلفل اخضر او احمر حار مفروم مجرد ريحة الثوم تظهر نضيف عصير الطماطم و رشة سكر و معلقة ثوم صغيرة مفرومة، الطماطم تتسبك نضيف ماية سخنة و نغطي و نخلي اللحمة تستوي كويس بعدين نضيفلها الملح. * في معلقة سمن نشوح البامية و معاها فلفل اخضر و ثوم مفروم و كسبرة ناشفة و فلفل أسود و ملح و نضيفها في الطاجن و عليها اللحمة بالشوربة و نغطي و ندخلها فرن سخن جدا رف اسفل لمدة نصف ساعة و آخر ٥ دقايق نفتحها الشواية تاخد لون. طريقة العيش البلدي؛ * كوب ماء دافي ندوب فيه معلقة كبيرة خميرة و معلقة كبيرة سكر. * نصف كيلو دقيق عليه ٦ معالق كبار ردة و معلقة صغيرة ملح نخلطهم مع بعض كويس و نضيف الماية بالخميرة و نعجن و نزود ماية دافية بالتدريج لحد العجينة تكون بتلزق زي في الفيديو. * نغطيها ببلاستك راب و فوطة و نسيبها لحد ما يتضاعف حجمها و تخمر . * نقطعها كور متساوية ٧٠ جرام للكرة الواحدة و نخليها ترتاح ٥ دقايق في طبق مرشوش بكمية كويسة من الردة و نغطيها ببلاستيك راب عليه فوطة. * على سطح مرشوش بالردة نفرد كل كرة بسُمك زي في الفيديو و نخليهم يرتاحوا نص ساعة على سطح مرشوش بالردة و متغطيين ببلاستيك راب و عليه فوطة. * في طاسة سخنة جداً نخلي الرغيف مجرد يتشمع من تحت و ندخله الفرن تحت الشواية هيقب و ياخد لون نطلعه نغطيه بفوطه. * و ممكن نسويه بالكامل في الطاسة بدون فرن بنفضل نقلبه على الناحيتين لحد ما يقب و ياخد لون خفيف. #طواجن #مصر #أكلات_مصرية #egypt