@abdullah__khan342: عنوان عشق اور عقل ؟ جڈاں کہیں نال عشق تھی ونجے ول عقل دے پردے پچھوتے ہٹ ویندن انسان جانڑ بجھ کے انہیں رستے تے چل پوندے جتھاں درد اوندا انتظار کریندا پیا ہوندے او شخص جیندے بارے کڈاہیں ہک لمحہ سوچنڑ وی ضروری نہ لگدا ہئی آہستہ آہستہ پوری زندگی دا مرکز بنڑ ویندے اوندے بعد نہ سہی نہ غلط دی تمیز باقی رہندی ہے اور نہ ہی فائدے نقصان دا حساب رہندے بس ہک چہرہ ہک ناں اور ہک احساس دل و دماغ تے اینجھا چھا ویندے باقی پوری دنیا دھندلی محسوس تھیونڑ لگ ویندی ہے عشق انسان کوں کمزور نیں کریندا مگر اوکوں اپنڑے جذبات دا قیدی ضرور بنڑا ڈیندے او ہر گہل اچ صرف اوں شخص کوں تلاش کریندے ہر دعا اچ صرف اوندا ذکر کریندے اور ہر خاموشی اچ اوندی آواز سنڑڑ دی کوشش کریندے ول اگر اوہو شخص دور تھی ونجے تاں عقل کوں ہزار دلیلاں ڈیونڑیاں پوندن مگر دل کہیں دلیل کوں قبول نیں کریندا کیونکہ عشق دی دنیا اچ فیصلے عقل نیں احساس کریندے شاید ایں وجہ کے عشق کوں آزمائش آکھیا ویندے کیونکہ اتھاں جیتنڑ آلے وی اکثر اداس رہندن اور ہارنڑ آلے وی انسان سب کجھ سمجھنڑ دے بعد وی اوں ہک شخص کوں نیں بھلا سگدا جہڑہ شخص کڈاہیں ہک دفعہ اوندے دل اچ جاہ کر گیا ہووے 💔✨🥺😩 تحریر لکھت✍️ ثقلو لغاری