@itx_mahoo8: چم ءِ اِستال! ِمِسکیں ڈیہہ ءِ بوہ! بیا اِدا بوسگانی نوداں شنز بیا منی دست ءُ پاد تُنیگ آں اُو چراگانی جان تو زانئے بید ءِتو لوگ ءِ آمگیں جان ءَ کس نئیت چادرے نہ پیڑائیت بید ءِتو آزھانی درچک منی موسُم ءِ تاکریچاں تھنا بیت بید ءِ تو شپ گوں پنجگاں برپیں چہ دل ءِ میل ءَ گیش ورناہ بیت اُو چراگانی جان تو زانئے گوں تئ آس جامگیں زھیراں من کناں جنگ گوں موسم ءِ تیراں!! تو اوں زانئے تئ آجزیں پیرمرد نوں وتی آزھاں کہ زُرت نہ کنت موسم ءِ جنگ ءَ باج بُرت نہ کنت ۔۔۔۔۔۔ چم ءِ اِستال! ِمِسکیں ڈیہہ ءِ بوہ! لھتیں روچ اِنت کہ گیر پیداک آں تئ زِر ءِ چؤل ءُ کندگانی بوہ جاڑیں چمانی بینگیں وشبو لھتیں روچ اِنت کہ شادھانی مُرگ تئ دپ ءِ کوکوھاں نہ ریچان اِنت لھتیں روچ اِنت تئ جمّرانی دل کَمُّوکیں گْوارگءَ نہ اِنت منا لھتیں روچ اِنت تی گوات روزرد ءِ ساھتے کشّگءَ نہ اِنت منا لھتیں روچ اِنت کہ تْراولیں لَنکُک تئ گُلاباں گوں لیب لوٹاں بلے تو گوں دودانی سانکلاں بندئے من پہ ماتیں زمین جنگ ءَ آں ۔۔۔۔۔۔۔۔ چم ءِ اِستال! ِمِسکیں ڈیہہ ءِ بوہ! نوں وَ اَرواہ ءِ سرزمین منی سنٹ کپتہ گوں جیڑہ ءُ جنگاں یک ءُ دو گم شُناسیں ھمراہ انَت تیوگیں روچ شؤلگ ءَ آں سپر شپ کہ بیت لنکُکانی ھمراہ بنت چاراں اِستاراں بس ھساب کناں ھردو ماہ ءِ گنوک ءُ دیوانگ ماھ ءِ رکّانی بینگاں دُزاں ماھ ءِ زُلپانی کِسّہ ھاں کاراں ماھ ءِ دِلبند ءَ واب سِنگاراں گومن کوھانی دامن ءَ وسپنت گومن تیرانی بانزُلاں تْراشاں گومن گُرکیں سِلاھاں ساپ کناں گومن ننداں پَشنگ ھِساب کناں من ہمے زندگی ءِ جنگ ءَ آں زندگ آں زندگی ءِ جنگ ءَ آں ۔۔۔۔۔ چم ءِ اِستال! ِمِسکیں ڈیہہ ءِ بوہ! چو منا مات ءِ شیر ماپ نباں چو منا گُلزمین ءِ وام پِراں من وتی کوہ ءُ ھساراں پہ مِڑاں من وتی ھلک ءُ ڈگاراں پہ مِڑاں من وتی بزگ ءُ واراں پہ مِڑاں من وتی مات ءُ گُھاراں پہ مِڑاں باندا گنجیں تیاب ءُ نیلیں زِر ، درچک ءُ دارانی دل کہ ایمن باں موجیں گیشکور ءِ گزّ بچکنداں آزمان بالیں مچّ سوت جناں چم ءِ اِستال! ِمِسکیں ڈیہہ ءِ بوہ! سُھب ءِ سُھرلُنٹیں بام شاھِد بیت من گُڑا پتو کایاں جنگ کناں تئ پہ لُنٹ ءُ لباں من جنگ کناں تئ پہ نود ءُجُڑاں من جنگ کناں تئ پہ بوہ ءُ بُساں من جنگ کناں تئ پہ استال ءُ ماھاں جنگ کناں تئ پہ گیوار ءِ راھاں جنگ کناں چم ءِ اِستال! ِمِسکیں ڈیہہ ءِ بوہ! دَست ءَ دلبند ءِ لدّ ءَ ھیر بکن کہ منی ساھ پُرّ نہ بیگا اِنت "رھمدل نات" #foryou🦋✨シ♡foryoupageبلوچی #balochipotry🥀🥹🦋itx_mahoo8 #اکسپلور_تیک_تاک

ماھو بلوچ🌸

Open In TikTok:

Region: PK

Friday 23 October 2026 14:37:34 GMT