@i8rrr8: الثقة مو مجرد كلمة تنحجي باللسان، ولا وعد ينكال بوقت الصفاء ويننسى بأول لحظة خلاف، الثقة أكبر من كل هذا، الثقة هي أمان تحسّه ويا شخص، وراحة تجيك من وجوده، وإحساس بداخلك يخليك مطمئن حتى بغيابه، لأنك تعرف زين إن مكانتك بقلبه ما تتغير، وإنه مهما تصير ظروف ومهما تدخل وجوه جديدة بحياته، يبقى محافظ على العهد اللي بيناتكم. الثقة هي من تكدر تحجي كلشي بداخلك بدون ما تخاف من حكم، ومن تكدر تبيّن ضعفك بدون ما تخاف ينستغل ضدك، ومن تكدر تكون على طبيعتك بكل عيوبك وتفاصيلك لأنك تعرف إن الشخص اللي كدامك يشوفك بقلبه مو بس بعيونه، ويعرف قيمتك حتى بالأيام اللي إنت بنفسك تنسى بيها قيمتك.

حَيدري .

Open In TikTok:

Region: IQ

Friday 23 October 2026 16:05:59 GMT