@kzhsa_aktau: 🇰🇿 РЕСПУБЛИКА КҮНІНЕ ОРАЙ ҚЫЗМЕТКЕРЛЕР МАРАПАТТАЛДЫ. Бүгін «Каспий жылу, су арнасы» МКК-да Қазақстан Республикасының ұлттық мерекесі – Республика күніне орай салтанатты іс-шара өтті. Мерекелік жиын барысында кәсіпорынның бірқатар қызметкеріне Маңғыстау облысының әлеуметтік-экономикалық дамуына қосқан үлесі мен адал еңбегі үшін алғыс хаттар табысталды. Іс-шара барысында кәсіпорын директоры Серік Гусман ұжымды айтулы мерекемен құттықтап, ел игілігі жолында атқарып жүрген жауапты қызметтері үшін барша қызметкерге ризашылығын білдірді. Өз сөзінде кәсіпорын басшысы қаланың тыныс-тіршілігін қамтамасыз етуде коммуналдық сала мамандарының еңбегі айрықша екенін атап өтті. Тұрғындарды жылу және сумен үздіксіз қамтамасыз ету, инженерлік желілердің тұрақты жұмысын сақтау, туындаған ақауларды жедел жою – үлкен жауапкершілікті, кәсіби біліктілікті және жоғары ұйымшылдықты талап ететін міндеттер. Бұл жұмыстардың артында күн сайын өз ісіне жауапкершілікпен қарайтын, тұрғындардың жайлы өмір сүруіне үлес қосып жүрген еңбек адамдары тұр. Әсіресе, тәулік бойы қызмет көрсетіп, кез келген жағдайда жедел әрекет етуге дайын мамандардың еңбегі ерекше құрметке лайық. Барша марапат иелерін шын жүректен құттықтаймыз! Еңбектеріңізге табыс, отбасыларыңызға амандық, дендеріңізге саулық тілейміз! Республика күні құтты болсын! Еліміз аман, жұртымыз тыныш, тәуелсіздігіміз тұғырлы болсын! 🇰🇿

ГКП "Каспий жылу, су арнасы"

Open In TikTok:

Region: KZ

Friday 23 October 2026 16:11:38 GMT