@caspian_law: Çox vaxt bu iki anlayış bir-biri ilə qarışdırılır. Lakin hüquqi baxımdan aralarında böyük fərqlər var! 🔹 İkili vətəndaşlıq nədir? İkili vətəndaşlıq — şəxsin iki ölkənin vətəndaşı olması və hər iki ölkənin bu statusu rəsmi olaraq tanımasıdır. Bu, yalnız ölkələr arasında ikitərəfli saziş olduqda mümkündür (Məsələn: Rusiya və Tacikistan arasında belə bir müqavilə var). İkili vətəndaşlığı olan şəxslər hansı ölkədə hərbi xidmət keçəcəyini seçə bilər və övladları hər iki ölkənin vətəndaşlığını ala bilər.  ❌ Azərbaycan Respublikası ikili vətəndaşlığı tanımır! "Vətəndaşlıq haqqında" Qanunun 10-cu maddəsinə əsasən, Azərbaycan vətəndaşının xarici dövlət vətəndaşlığına mənsubiyyəti (beynəlxalq müqavilələr və ya Konstitusiyanın 109-cu maddəsinin 32-ci bəndinə müvafiq hallardan başqa) tanınmır.  🔹 İkinci vətəndaşlıq nədir? Şəxsin öz ölkəsinin vətəndaşı olmaqla yanaşı, başqa bir ölkənin də vətəndaşlığını almasıdır. Bu halda hər bir ölkə həmin şəxsi yalnız öz vətəndaşı kimi tanıyır və digər ölkə qarşısındakı hüquq və vəzifələrini nəzərə almır. Misal üçün: Əgər şəxs həm Rusiya, həm də Azərbaycan vətəndaşıdırsa, onun Rusiyada hərbi xidmət keçməsi onu Azərbaycanda hərbi xidmətdən azad etmir.  ⚠️ İkinci vətəndaşlığın alınması hansı nəticələrə səbəb ola bilər? 1️⃣ Məlumat vermə öhdəliyi: Qanunun 10-cu maddəsinin 2-ci hissəsinə əsasən, xarici dövlətin vətəndaşlığını qəbul etmiş Azərbaycan vətəndaşı 1 ay müddətində bu barədə müvafiq icra hakimiyyəti organına yazılı məlumat verməlidir. (Qanunvericilikdə məlumatın verilməməsinə görə konkret cəza nəzərdə tutulmamışdır). 2️⃣ Vətəndaşlığın itirilməsi: Qanunun 18-ci maddəsinə əsasən, başqa ölkənin vətəndaşlığını könüllü qəbul etmək Azərbaycan vətəndaşlığının itirilməsi üçün əsas sayılır. 3️⃣ Bərpa müraciətləri və Məhkəmə mübahisələri: Hazırkı geopolitik şəraitdə Miqrasiya orqanları bu maddəyə əsaslanaraq xüsusilə Rusiya və Ukrayna vətəndaşlığı olan şəxslərin Azərbaycan vətəndaşlığının bərpası müraciətlərinə imtina cavabı verirlər. Lakin bu imtina qərarları məhkəmədə mübahisələndirilə bilər və nəticədə Azərbaycan vətəndaşlığının bərpası mümkündür!  💡 Tövsiyə: Belə mürəkkəb miqrasiya və vətəndaşlıq məsələlərində hüquqlarınızın bərpası üçün peşəkar hüquqi dəstək almağınız vacibdir.  📞 Əlaqə: +994 50 548 12 16 #AzərbaycanVətəndaşlığı #VətəndaşlıqQanunvericiliyi #VətəndaşlığınBərpası #MiqrasiyaHüququ #HüquqiMəsləhət

Caspian Law

Open In TikTok:

Region: AZ

Friday 23 October 2026 16:15:44 GMT