@iprd.pyin.oo.lwin: #ပြင်ဦးလွင်မြို့ရှိ အမျိုးသားကန်တော်ကြီး ဥယျာဉ်အတွင်း၌ သီတင်းကျွတ်ကာလ မီးထွန်းပွဲတော်၊ မြန်မာ့ဇာတ်သဘင်ဖျော်ဖြေပွဲများနှင့် နိုင်ငံကျော်တေးသံရှင်များဖြင့် စတိတ်ရှိုးပွဲများ ကျင်းပသွားမည်ဖြစ် ပြင်ဦးလွင် ၊ အောက်တိုဘာ ၂၃ မန္တလေးတိုင်းဒေသကြီး ၊ ပြင်ဦးလွင်မြို့တွင် တည်ထားကိုးကွယ်လျက်ရှိသော မဟာအံ့ထူးကံသာ ဆုတောင်းပြည့်ဘုရားကြီး ( ပြည်ချစ်ဘုရား ) ၊ အမျိုးသားကန်တော်ကြီး ဥယျာဉ် ၊ ပိတ်ချင်းမြှောင် လိုဏ်ဂူတော် ၊ ပွဲကောက်ရေတံခွန် ( BE FALL) ၊ တရုတ်ဘုံကျောင်း ၊ နှီးဘုရား နှင့် ဓါတ်တော်ချိုင့် ရေတံခွန်များသို့ ခရီးသွားပြည်သူများ နှစ်စဉ်နှစ်တိုင်း လာရောက်ဘုရားဖူး လည်ပတ်အပန်းဖြေ လျက်ရှိကြသည်။ ယခုအခါတွင် အမျိုးသားကန်တော်ကြီး ဥယျာဉ်အတွင်း ယခင်နှစ်များနှင့်မတူ သီတင်းကျွတ် ကာလတွင် သီတင်းကျွတ်ပွဲတော်ကို အောက်တိုဘာ ( ၂၃) ရက်နေ့မှ ‌ အောက်တိုဘာ ( ၂၇ ) ရက်နေ့အထိ ၅ ရက်တိုင်တိုင် ဥယျာဉ်အတွင်း ည မီးရောင်စုံတွေနဲ့ အလှဆင်ထားပြီး မွန်းလွဲပိုင်း (၂) နာရီမှစတင်၍ ည (၉) နာရီအထိ နိုင်ငံကျော် တေးသံရှင်များက သီဆိုဖျော်ဖြေတင်ဆက်မည်။ ထိုပြင် တိုင်းရင်းသား အထိမ်းအမှတ်ဥယျာဉ်၌ အောက်တိုဘာ (၂၈)၊ (၂၉) ရက်နေ့တို့တွင် သွေးသစ်ဇာတ်သဘင်၊ (၃၀)၊(၃၁) ရက်နေ့တို့တွင် ကြီးလေးကြီး (မန္တလေးသိန်းဇော်၊ မိုးဝင်း၊ နန်းဝင်း၊ ချမ်းသာ)တို့မှ ဖျော်ဖြေ တင်ဆက်ကြမည်ဖြစ်ကြောင်း သိရသည်။ အဆိုပါ သီတင်းကျွတ်ပွဲတော်ကို Thadingyut 's Night Poem 2026 အဖြစ် ကျင်းပခြင်းဖြစ်ကာ ဥယျာဉ်ဖွင့်ချိန်ကိုလည်း နံနက် ၈ နာရီ မှ ည ၁၀ နာရီအထိ တိုးမြှင့်ပေးသွားမည်ဖြစ်ကာ ပွဲတော်ကာလ အတွင်း ဥယျာဉ် ညဖက်အလှကို တမူထူးခြားစွာ ခံစားစေရန် ဥယျာဉ်အတွင်း၌ မီးရောင်စုံများဖြင့် အလှဆင်ထားသောကြောင့် နေ့ခင်းဘက်နဲ့မတူ ဆွဲဆောင်မှုရှိတဲ့ မြင်ကွင်းတွေကို တွေ့မြင်ကြရခြင်း ၊ ညအလှကို ခံစားရင်း နိုင်ငံကျော်တေးသံရှင်များက သီဆိုဖျော်ဖြေတင်ဆက်မှုနှင့်အတူ ဓာတ်ပုံလှလှ လေးတွေ ရိုက်ကူးစေခြင်း ၊ ပြင်ဦးလွင်ဒေသထွက်ပစ္စည်းများ ဝယ်ယူနိုင်ရန်အတွက် Night Bazaar လေးကိုလည်း ဥယျာဉ်အတွင်းမှာ စီစဉ်ပေးထားမှုကြောင့် လာရောက်လည်ပတ်အပန်းဖြေသူများ အတွက် အလွန်ပင်ဝမ်းသာပီတိဖြစ်စေကြောင်းနှင့် သီတင်းကျွတ်ပွဲတော်ကာလအတွင်း အမျိုးသား အထိမ်းအမှတ်ဥယျာဉ်တွင် မြန်မာ့ဇာတ်သဘင်အဖွဲ့များဖြင့် ကပြဖျော်ဖြေသွားမည်ဖြစ်ကြောင်း သိရသည်။ ခရိုင်(ပြန်/ဆက်)

11473

347

There are no more comments for this video.

To see more videos from user @iprd.pyin.oo.lwin, please go to the Tikwm homepage.