@user4kpbuofije: من المواقف الجميلة المرّت عليّ وأنا بجهّز قهوتي، إني وقفت شوية أتأمل في مراحل تحوّلها... في البداية كانت مجرد حبوب صغيرة، محتفظة بشكلها وصلابتها، وبعد داك مرّت بالطحن، واتغيّرت ملامحها واتبدّل شكلها، لحدي ما نزلت عليها الموية السخنة وكمّلت حكايتها، واستقرّت أخيراً في فنجان دافي، بتطلع منّو ريحة البُن وقفت أتأمل فيها، ولقيت إنو بيناتنا وبين القهوة شبه غريب... نحن برضو ما بنفضل زي ما نحنا، الأيام بتغيّر فينا، والتجارب بتعيد تشكيلنا، وفي حاجات بنمر بيها بتاخد مننا جزء من ملامحنا القديمة، لكن في المقابل بتدينا نُضج ما كان عندنا قبل كدا. والعجيب في القهوة إنّها ما بقت القهوة البنحبها إلا بعد ما فقدت جزء من شكلها الأول. يمكن نحن كمان كدا... ما كل تغيير بنمر بيهو معناه إننا فقدنا حاجة من روحنا، أحياناً الحياة بتغيّرنا عشان تطلّع أجمل ما جوانا. يمكن بعض الحاجات لازم تفقد شكلها الأول، عشان تصل لأجمل نسخة منها. ☕🤎 #قهوتي #تغيير #اجمل نسخه

سيده 🤍

Open In TikTok:

Region: SD

Friday 23 October 2026 18:03:27 GMT