@kh0dm: ئێوارەیەکی پایز بوو، پایزێکی باراناوی کە بۆن و بەرامی خەم و ناتەواوی لە هەموو کۆڵانەکاندا بڵاو ببۆوە. من بەرەو دوکانێکی کتێبخانە دەچاوم، بەو هیوابوونم لەنێو لاپەڕەی کتێبەکاندا پەناگەیەک بۆ دڵی شەکەتم بدۆزمەوە، بەڵام بێ ئاگادار بووم کە لەو ئێوارەیەدا، پەڕەی ڕووداوەکانی ژیانم بۆ هەمیشە دەگۆڕێت. کاتێک لەناو دوکانەکەدا خەریکی هەڵبژاردنی کتێبێک بووم، دەرگا پڕ بوو لە شنەبای سارد و ئەویش هاتە ژوورەوە؛ کوڕێکی بەرز، ڕەشتاڵەی ئەسمەر، بە نیگایەکی قووڵ و سەرنجڕاکێشەوە کە هێشتا نمەی بارانی لەسەر قژ و قەڵەباڵغی جلی مابوو. لەو ساتەدا، کات بۆ من وەستا. هاتە نزیکم، و بە جۆرێک سەیری چاوەکانمی ئەکرد... وەک بڵێی لەم دونیا فراوانەدا تەنها من هەبم، وەک بڵێی لە چاوی ئەودا، من تاکە کچی ئەم دونیایە بووم. هیچ قسەیەک نەکرا، زمان لە کار کەوت، بەڵام ئەو نیگایە ئەوەندە پڕ بوو لە پەیام و مانای نادیار، کە هەموو بوونی منی داگیر کرد. ساڵان تێپەڕین... چەندین پایز و باران هاتن و چوون، ژیان ئێمەی برد بەڕێوە و ڕێگاکانمان لێک جیا کردەوە. من مامەوە و ئەو نیگایە، و تۆش کە چەند ساڵێکە لەو ڕووداوە تێدەپەڕێت و من هەرگیز ئاگام لە تۆ نەما، نە دەنگت بیست و نە ڕوخسارتت بینییەوە. تەنها ئەوە هەیە کە لە هەر ئێوارەیەکی باراناویدا، کاتێک بۆنێکی پایز هەڵدەکات، دەگەڕێمەوە بۆ هەمان سات، بۆ ناو ئەو کتێبخانەیە و بۆ ناو ئەو چاوە ئەسمەرە بێدەنگەی کە بۆ ساتێک دنیای منی گۆڕی و پاشان لە تەمومژ ون بوو#30ta #kh0dm #active #actives #foryou

6480

1290

112

To see more videos from user @kh0dm, please go to the Tikwm homepage.