#koya ئازیزی پێشووم، ئەوەی لەم دەقە پڕ لە ژان، خوێن و پشکۆی دەروونەدا دەینووسم، تەنها نامەیەک نین کە بە پیت و قەڵەم لەسەر کاغەز ڕیز کرابن، بەڵکو ئەمە پشکنینی پاشماوەی جەستەیەکی سوتاو و دوا ڕووخانی ڕۆحێکی پارچەپارچەبووە کە لە بەردەم گۆڕستانی خەونە کوژراوەکان، لە قووڵایی تاریکییەکدا کە هیچ تیشکێکی تێدا نەماوە، بۆ دوایین جار وەستاوە؛ چوار ساڵ لە تەمەنی گەنجی، چوار ساڵ لە پاکترین، بێگەردترین و پیرۆزترین هەستەکان، چوار ساڵی پڕ لە فرمێسک، پێکەنین، چاوەڕوانی و سوێندخواردنی پیرۆز کە هەموو چرکەساتێک، هەموو هەناسەیەک و هەموو پەنجەرەیەک بە ناوی تۆوە گرێدرا بوو، چوار ساڵێک کە بە هەموو هێزی دەروونی، بە هەموو قەناعەتێکی بوونمەوە پێموابوو هیچ هێزێک، هیچ زریانێک، هیچ باوەڕێک و هیچ دەسەڵاتێک لەم دنیایەدا نییە بتوانێت دەستی ئێمە لە یەکدی جیا بکاتەوە و کۆتایی بەو هەموو ئەوینە پاکە بهێنێت کە لەسەر خوێنی دلۆپ دلۆپی تەمەنمان هەڵچنیبوو، کەچی ئەمڕۆ دەبینم بە یەک بڕیاری سەرپێیی، بە یەک هەنگاوی نادادپەروەرانەی تۆ، و بە دەستی خۆت، هەموو ئەو پردانەی پێکەوە لەسەر قوربانی و خۆشەویستی دروستمان کردبوو لە چاوقووچاندنێکدا ڕووخان و بۆ هەمیشە وەک تەمێکی ژەهراوی کاڵ بوونەوە و ڕۆیشتن. کاتێک یەکەم جار هەواڵی شووکردنەکەت، هەواڵی ئەوەی کە دەستی نەرمت لە ناو دەستی کەسێکی تردا جێگیر بووە و چووبیتە ناو ماڵ و ژیانێکی نوێوە گەیشتە گوێم، گەورەترین زەبر، کوشندەترین شۆک و تێکشکێنەرترین بۆمبی مێژووی ژیانم پێشکەش کرا، هەستم کرد هەموو گەردوون، هەموو ئاسمان و زەمین و ئەو هەموو یادگارییە بێوێنەیەی هێشتا گەرم و تەڕ بوون لەسەر سەرم ڕووخان و منیش لە ژێر ئەم خەرمانە گەورەی خەم و بێدادییەدا نقوم بووم، زەمەن وەستا و هەناسە لە سینەمدا بۆ هەمیشە قەتیس بوو، چونکە چوار ساڵ تەنها ژمارەیەک نین لە ڕۆژژمێری فەرامۆشیدا، بەڵکو چوار ساڵی تەواو بوو کە تیایدا لەگەڵتدا ژیام، لەگەڵ پێکەنینی تۆ پێکەنیوم، لە کاتی ناسک و ناخۆشیدا فرمێسکی چاوەکانمم بە پەنجەی تۆ سڕیوەتەوە، لەگەڵتدا فرمێسکم ڕشتووە، و لە قووڵایی خەونەکانمدا هەموو داهاتوو، ناوی مناڵەکانمان، شێوازی ماڵەکەمان، ڕەنگی پەردەکان و هەموو وردەکارییەکانم لە تەنیشت تۆوە نەخشاندبوو و وێنەم کێشابوو، کەچی ئەمڕۆ دەبێت بە چاوی خۆم ببینم و قبوڵی بکەم کە تۆ بوویتە هاوسەری کەسێکی تر و لە باوەشی ئەودا دەژیت و لە منیش بۆ هەتاهاتە دوور کەوتوویتەوە. زۆر، زۆر سەخت، قورس، تاریک و بێوێنە ئازاربەخشە کاتێک مرۆڤ دەبینێت ئەو کەسەی تا دوێنێ هەموو دنیاکەی بوو، ئەو کەسەی کاتێک سەیری دەکردیت هەستت بە دڵنیایی، بەهاری تەمەن و ئارامی دەکرد، ئێستا بووەتە بێگانەترین مرۆڤی سەر ڕووی زەوی کە تەنانەت مافی ئەوەشت نییە سڵاوی لێ بکەیت و بپرسیت چۆن ژیانت بەڕێوە دەچێت؛ لە ناخەوە دەسووتێم، جەستەم ڕووخاوە، ڕۆحم ماندووی قسە نەکردنە، و برینێکی وا قوڵ، مەزن و خوێناوی لە قووڵایی دڵمدا دروست بووە کە دەزانم تا دوایین هەناسەی تەمەنم، تا ئەو ڕۆژەی گڵ دەبێتە بەشی سەرینم، هەرگیز ساڕێژ نابێت، چونکە تۆ نەک هەر دڵت شکاند، بەڵکو هیوای ژیان، ئومێدی بەیانیان و گەورەترین ئاواتی ئەو چوار ساڵەت خستە ژێر پێکانتەوە و ژیانێکت بۆ هێنامە پێش کە تێیدا هەموو ڕەنگەکان ڕەش و تاڵن. لەگەڵ ئەم هەموو ژان و کوڵ و ئازارە بێسنوورەدا کە گیانم دەخۆرێت و پێستی ئێسقانم تێپەڕاندووە، سوێند بەو خەرمانە گەورەی خۆشەویستییەی کە بۆت هەمبوو، هیچ کاتێک نەفرەتت لێ ناکەم و گلەیی و گازندە لە زمانم نایەت، چونکە من تۆم هێندە بە ڕاستی، بە پاکی و بە هەموو وجودم خۆشویست کە تەنانەت لەم ساتەشدا کە لە لووتکەی شکست و کۆتایی ڕێگام، ناتوانم ڕقم لێت ببێتەوە، بەڵکو تەنها شەوانە لە تاریکی ژوورەکەمدا دەگریم، سەیری وێنە کۆنەکانت دەکەم و دەڵێم خودایە ئەوە چ تاقیکردنەوەیەکی قورس بوو! سوپاس بۆ ئەو هەموو تاڵاوی، زەردەخەنە، ژان و سۆزەی کە لەو چوار ساڵەدا پێمت بەخشیت، سوپاس کە فێرت کردم چۆن مرۆڤ دەتوانێت بە یەک وتە و یەک بڕیار تەواوی جیهانەکەی لە دەست بدات و بێدەنگ بمێنێتەوە، و ئێستاش لەم کۆتا دێڕەدا، لە کاتێکدا دڵم پارچە پارچەیە، خوێن لە دەروونم دەتکێت و قەڵەمەکەم لەسەر کاغەز دەلەرزێت، تەنها دەڵێم: هیوادارم لەو ژیانە نوێیەدا، لەو ماڵ و خێزانەی کە بۆ خۆت هەڵتبژارد، هەمیشە ئاسوودە، سەرکەوتوو و بەختەوەر بیت و هەرگیز ئەو ئازارە کوشندەیە نەبینیت کە منت تێ خست، خوات لەگەڵ بۆ هەمیشە و ڕێگەت سەوز بێت ئازیزی جارانم.💔 - @cherok67