@dilmukhameduly: ⚜️ ШИЕЛІ АУДАНЫНЫҢ АУЫЛ ШАРУАШЫЛЫҒЫ ӨНІМДЕРІНІҢ ЖӘРМЕҢКЕСІ Бүгін облыс әкімі Мұрат Ергешбаев «Ақмаржан» агромәдени фестивалі аясында Қызылорда қаласына қарасты Тасбөгет кентінің орталық алаңында ұйымдастырылған Шиелі ауданының ауыл шаруашылығы өнімдері жәрмеңкесіне арнайы келді. Аудан әкімі Айтбай Жандарбеков облыс әкіміне жәрмеңкеге қойылған өнімдерді таныстырып, ауданның ауыл шаруашылығы саласындағы жетістіктері мен жергілікті тауар өндірушілердің жұмыстары туралы ақпарат берді. Жәрмеңкеге Шиелі ауданынан 110-ға жуық көлікпен жалпы көлемі 189,2 тонна ауыл шаруашылығы өнімі жеткізілді. Тұрғындарға жергілікті тауар өндірушілердің табиғи әрі сапалы өнімдері нарықтағы бағадан төмен, қолжетімді бағамен ұсынылды. 🔹 ЖӘРМЕҢКЕГЕ ЖЕТКІЗІЛГЕН ӨНІМДЕР: ▪️ Картоп – 78 тонна; ▪️ Пияз – 17 тонна; ▪️ Ақ күріш – 40 тонна; ▪️ Бақша өнімдері – 40 тонна; ▪️ Көкөністер – 10 тонна; ▪️ Ет – 2,5 тонна; ▪️ Бал – 0,5 тонна; ▪️ Сүт – 0,3 тонна; ▪️ Құрт – 0,3 тонна; ▪️ Сары май – 0,1 тонна; ▪️ Сөк, талқан – 0,5 тонна. Сонымен қатар жәрмеңкеге 30 бас тоқты және 210 пресс жоңышқа шөбі жеткізілді. Аталған жәрмеңке жергілікті ауыл шаруашылығы өнімдерін өндірушілерді қолдауға, отандық өнімдердің сауда айналымын арттыруға және қала тұрғындарын сапалы азық-түлікпен қолжетімді бағамен қамтамасыз етуге бағытталған. @Шиелі ауданы әкімінің баспасөз қызметі

323

2026-10-24 16:34:36

To see more videos from user @dilmukhameduly, please go to the Tikwm homepage.