2026-10-24 Actress na content creator, Anty Habiba maarufu kama Queen Kukiii, ametoa ujumbe mzito kwa wanawake wanaojilinganisha na wanawake wanaopata fedha kupitia biashara au shughuli mbalimbali za mitandaoni, akiwataka kuacha kushindana na wengine na badala yake kuthamini mahusiano yao. Queen Kukiii amesema kuwa si kila mwanaume anayeshindwa kutoa fedha nyingi kwa mwenza wake hana uwezo wa kumhudumia, bali wakati mwingine wanawake hujiwekea matarajio makubwa kwa kujilinganisha na wale wanaopata fedha kutoka kwa wanaume wengi. Akieleza msimamo wake, Queen Kukiii amesema kuwa yeye anathamini namna mume wake anavyomhudumia na kumpa mahitaji yake, huku akisisitiza kuwa mwanamke mwenye mwenza mmoja hapaswi kujilinganisha na mtu anayepata fedha kutoka kwa watu wengi. “Sio kwamba mwanaume wako hajui kuhudumia, tatizo unataka kushindana na wanaojiuza. Unataka kushindana na maslahi ya mtandaoni,” amesema Queen Kukiii. Aidha, amewataka wanawake kutambua kuwa kujilinganisha na maisha ya watu wengine kunaweza kuleta migogoro katika mahusiano yao, akisisitiza umuhimu wa kuridhika na kuthamini kile ambacho wenza wao wanaweza kuwapatia. Kauli hiyo imeibua mjadala kuhusu mahusiano, fedha na matarajio ya wanawake kwa wanaume wao katika kipindi hiki ambacho mitandao ya kijamii imekuwa sehemu ya maisha ya kila siku. Je, unakubaliana na @queen_kukiii kwamba wanawake wanapaswa kuacha kujilinganisha na wengine katika mahusiano? Toa maoni yako. - @bongo_media