@11_10_1961: امتي هنبطل نحشر كلام انجليزي فالنص ! عمرو دياب امبارح واحدة في حفلة بتقوله "بحبك يا عمرو" راح رادد بكل عفوية وضحك "تحبيني ايه ده انا قد ابوكي" .. وفي حفلة تانية بيغني "لولا البنات يا ولا" وقف قال "انا فلاح اصلا وكنا بنغنيها واحنا صغيرين في الغيط فاكرها كويس" راجل ناجح مفيش اتنين يختلفوا على نجاحه وجماهيريته في الوطن العربي كله، ومع ذلك عمره ما قال كلمة انجليزي واحدة منظرة، ولا اتكلم من فوق، كلامه بسيط، ابن بلد، قريب من الناس. على الناحية التانية في فنانة تانية - مصرية والمذيع مصري والجمهور مصري - نص كلامها لازم يكون English وكأنها مكسوفة تتكلم عربي بسيط يفهمه كل الناس! وكأن حشر الانجليزي فالنص دا نوع من الرقي واللى بيتكلم بلغة أهل بلده كده هو بيئه !! مع ان الفنان المؤثر بجد لازم يكون منتمي ل لغته وأصله وبلده عمرو دياب بيدي درس ان التواضع هو اللي بيصنع النجومية اللي بجد.. في فنان بيكلمك فتحسه واحد منكم، وفنان تاني بيكلمك فتحسه مواليد لوكسمبورج! عمرو دياب لا بيتمنظر ولا بيحشر كلمتين انجليزي في النص عشان يبان مثقف، بيتكلم لغتنا كلنا ببساطة. الهضبة عمره ما كان محتاج يعمل كده ابدااا عشان يبان مثقف او راقي وعشان كده هو عمرو دياب النجم المحبوب من الصغير قبل الكبير عمرو دياب مثال قوي للنجم المتواضع اللي عمره ما نسي أصله /منقول ٠٠ #عمرو_دياب #حفل_الجونه

1961 💎

Open In TikTok:

Region: EG

Saturday 24 October 2026 19:55:06 GMT