@ola817450: أنا إنسانة حقيقية، وقلبي أبيض وما بعرف أكون زولة بتاعت مصالح، لا بعرف أقرب من زول عشان مصلحة، ولا بعرف أستغل طيبة زول عشان أحقق حاجة لنفسي. أنا من الناس البتدي من قلبها، البتسأل وبتفتش وبتخاف على الناس البتحبهم من غير ما تنتظر مقابل. بعامل الناس بأصلي وتربيتي، وما بغيّر معاملتي لزول عشان ظروفه اتغيّرت أو عشان بقى ما عنده حاجة يقدمها لي. ما بدّعي إني كاملة، لكن بعرف نفسي كويس، وبعرف إنو نيتي صافية وما بحب أكون سبب في وجع زول. يمكن طيبتي مرات تخليني أدي ناس أكبر من حجمهم، ويمكن صدقي يخليني أتصدم في ناس ما بتشبهني، لكن برضو ما دايرة أغيّر أصلي عشان تجارب سيئة. أنا ما بتاعت مصالح، أنا بتاعت مواقف، بتاعت عشرة، وبتاعت قلب صادق. البحبني حيلقى مني كل خير، والبقدّرني حيلقى زولة أصيلة ما بتتكرر بسهولة. وفي النهاية، ما مهم كل الناس تعرف حقيقتي، المهم أنا أكون راضية عن نفسي، وعارفة إني دخلت حياة الناس بصدق، وما يوم قربت من زول عشان مصلحة، ولا حبيت زول عشان حاجة عنده. ❤️‍🩹

Ola🦋🫀

Open In TikTok:

Region: EG

Saturday 24 October 2026 22:48:54 GMT