##မီးသတ်ကွေ့ပုံပြင်... မန္တလေးကနေ ပြင်ဦးလွင်ကို အတက် မီးသတ်ကွေ့ဆိုတာ နာမည်ကြီးပါ။၂၀၀၀ ခုနှစ် သြဂုတ်လတုန်းက အဲ့ဒီကွေ့မှာ မီးသတ်သင်တန်းဆင်းလာတဲ့ မီးသတ်ဝန်ထမ်းတွေ နဲ့ ရဲဝန်ထမ်းအချို့ ကို မန္တလေးဘူတာကိုပို့ပေးတဲ့ ကားတိမ်းမှောက်လို့ လူ ၄၂ ဦး သေဆုံးခဲ့ရာနေရာကိုခေါ်တာပါ။ ပြင်စာက သရဲမပြီးရင် အဲ့ဒီအချိန်က ခြောက်လှန့်မှုအကြိမ်ရေအများဆုံးနေရာဖြစ်လာပါတယ်။ဒါပေမယ့် သူတို့သည် ပြင်စာကသရဲမလို လူတွေကို ဒုက္ခမပေးပါဘူး။ပျက်နေတဲ့ကားတွေကို ထွက်လာပြီး ကူးတွန်းပေးတာတို့၊ဒုက္ခရောက်နေတဲ့ ခရီးသည်တွေကို ကူညီပေးတာတွေကို လုပ်ဆောင်ကြပါတယ်။ဒါပေမယ့် လူတွေကတော့ ကြောက်လန့်ကြတာပေါ့။တစ်ခါကဆို ညဘက်ကြီး ပျက်နေတဲ့ Dyna ကားကို ၁၀ ယောက်လောက်ရောက်လာပြီး ကူတွန်းပေးကြသတဲ့။ကားသမားကလည်း မီးသတ်ကွေ့ကိုမသိဘူး။အနီးအနားမှာ မီးသတ်သင်တန်းကျောင်းတွေ၊ဗဟိုဝန်ထမ်းတက္ကသိုလ်တွေရှိတော့ သဘောရိုးပဲထင်နေခဲ့တာပါ။ကားစက်နှိုးတော့ သူတို့က ရှေ့ ၂၁ မိုင်ကို လိုက်ချင်တယ်ဆိုလို့ တင်ခေါ်လာလိုက်ပါတယ်။၂၁ မိုင်ရောက်လို့ ကားရပ်ပေးတော့ နောက်မှာ တစ်ယောက်မှပါမလာတော့ဘူးတဲ့။ နောက်ပိုင်းတော့ သူတို့အတွက်ရည်စူးပြီး ကုသိုလ်ကောင်းမှုတွေလုပ်ပြီး မီးသတ်ကွေ့မှာ တာဝန်ရှိသူတွေက လွမ်းစေတီလေးတည်ပေးလိုက်ကြတယ်။အဲ့ဒီကစလို့ မီးသတ်ကွေ့က ခြောက်ခြားစရာ အသံတွေလည်း တစတစနည်းပါးသွားခဲ့ပါတယ်။ ဒါပေမယ့် ဒေသခံတွေကတော့ မီးသတ်ကွေ့ကိုဖြတ်တိုင်း သေသော်လည်း တာဝန်သိတတ်သည့် မီးသတ်ရဲဘော်ကြီးများကို သတိရနေဆဲပင်... (ရောက်ရင် သတိထားလို့ သူတို့အတွက် ဆုတောင်းပေးနိုင်ဖို့ပါ။အရင်က တင်ပေးပြီးသားပါ။အခုက မီးသတ်ကွေ့မှာ စိတ်မကောင်းစရာ ကိစ္စတွေထပ်ဖြစ်လာလို့ မီးသတ်သမားကြီးတွေကို သတိရမိလို့ ပြန်တင်ပေးလိုက်ခြင်းဖြစ်ပါတယ်) #မီးသတ်ကွေ့ပုံပြင်#လူမြန်မာ #fyp - @lumyanmar