#🚨 အရေးပေါ် အညိုရောင်အဆင့် သတိပေးချက်! ကုန်းတွင်းမုန်တိုင်းငယ် ရေတာရှည်အနောက်ဘက်သို့ ရောက်ရှိ၊ နေပြည်တော်၊ မကွေး၊ မန္တလေးနှင့် စစ်ကိုင်းဘက်သို့ ဆက်လက်ဖြတ်ကျော်မည် ⛈️🌊 ဖြူးမြို့အနီးမှ ဖြတ်ကျော်ခဲ့သည့် ကုန်းတွင်းမုန်တိုင်းငယ် (Land Depression) သည် မြောက်-အနောက်မြောက်ဘက်သို့ ဆက်လက်ရွှေ့လျားလာပြီး ရေတာရှည်မြို့၏ အနောက်ဘက်အနီးမှ ဖြတ်ကျော်နေသဖြင့် မိုးဇလမှ အညိုရောင်အဆင့် အဖြစ် သတိပေးထုတ်ပြန်ထားပါတယ်။ မုန်တိုင်းငယ်၏ လက်ရှိတည်နေရာနှင့် အခြေအနေ စက်တင်ဘာ ၂၉ ရက် နံနက် ၁၀:၃၀ နာရီ တိုင်းထွာချက်များအရ အဆိုပါ ကုန်းတွင်းမုန်တိုင်းငယ်သည် အောင်လံမြို့၏ အရှေ့-အရှေ့တောင်ဘက် မိုင် ၄၀ ခန့်၊ မကွေးမြို့၏ အရှေ့တောင်ဘက် မိုင် ၉၀ ခန့်နှင့် နေပြည်တော်၏ တောင်-အနောက်တောင်ဘက် မိုင် ၅၀ ခန့်အကွာတွင် ဗဟိုပြုနေပါတယ်။ ဗဟိုချက် တည်နေရာ: မြောက်လတ္တီကျု ၁၉.၁ ဒီဂရီ၊ အရှေ့လောင်ဂျီကျု ၉၅.၈ ဒီဂရီ ဗဟိုချက် လေဖိအား: ၁၀၀၄ ဟက်တိုပါစကယ် အမြင့်ဆုံး လေတိုက်နှုန်း: တစ်နာရီလျှင် မိုင် ၃၀ နှုန်းခန့် ရှေ့ဆက်မည့် လမ်းကြောင်း နောက် ၁၂ နာရီအတွင်း နေပြည်တော်၊ မကွေး၊ မန္တလေးနှင့် စစ်ကိုင်းတိုင်းဒေသကြီး အောက်ပိုင်းတို့ကို ဆက်လက်ဖြတ်ကျော်နိုင်ပြီး ယနေ့ညပိုင်းတွင် အားကောင်းသော လေဖိအားနည်းရပ်ဝန်းအဖြစ် အားလျော့သွားမည်ဟု ခန့်မှန်းရပါတယ်။ မိုးကြီးနိုင်သည့် တိုင်းနှင့် ပြည်နယ်များ (စက်တင်ဘာ ၂၉ - အောက်တိုဘာ ၁) မုန်တိုင်းအရှိန်ကြောင့် နေပြည်တော်၊ ရန်ကုန်၊ မန္တလေး၊ ပဲခူး၊ မကွေး၊ စစ်ကိုင်း၊ ဧရာဝတီ၊ တနင်္သာရီ၊ ကချင်၊ ကယား၊ ကရင်၊ ချင်း၊ မွန်၊ ရခိုင်နှင့် ရှမ်းပြည်နယ်တို့တွင် နေရာစိပ်စိပ်မှ နေရာအနှံ့အပြား မိုးထစ်ချုန်းရွာပြီး ဒေသအလိုက်နှင့် နေရာကွက်၍ မိုးကြီးနိုင်ပါတယ်။ ပင်လယ်ပြင် သတိပေးချက် မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် မိုးသက်လေပြင်းကျစဉ် လေတိုက်နှုန်း တစ်နာရီ မိုင် ၃၀ အထိ ရှိနိုင်ပြီး လှိုင်းအမြင့် ၉ ပေ မှ ၁၁ ပေခန့် အထိ မြင့်တက်နိုင်ပါတယ်။ မိုးသည်းထန်စွာရွာသွန်းခြင်း၊ လေပြင်းတိုက်ခတ်ခြင်း၊ ရုတ်တရက် ရေကြီးခြင်းနှင့် မြေပြိုခြင်းများ ဖြစ်ပေါ်နိုင်သဖြင့် ဒေသခံများ၊ လေကြောင်းပျံသန်းရေးနှင့် ရေကြောင်း/ငါးဖမ်းရေယာဉ်များ အထူးကြိုတင်သတိပြုကြပါရန် အသိပေးထားပါတယ်။ #fypage #fyp #foryou #crd - @htet.wai.phyo304