Bugun bir maydonda ikki xil olam, To‘qson minut o‘ziga rom aylar ko‘zni. Kimdir xursand bo‘lar, kimni bosar g‘am, El-Klasiko bugun kutmoqda bizni. Afsus, ularda yo‘q Ronaldo, Leo, Muxlislar alamdan kuy chalar go‘yo. Dunyo bo‘linsa ham ikkiga bugun, Goatlarsiz o‘yin ham misoli ro‘yo. Krishtiano Madridning suyanchi edi, Messi esa Kataloniya bo‘lagi. Ikkisi bu zamindan bosh olib ketdi, Aslida ular edi futbol yuragi. Qani edi bir holat sodir bo‘lsa, Bir lahza ikkisi tursa yonma-yon. Bu onlarni ko‘rib muxlislar kulsa, Yurakda zarracha qolmasdi armon. To‘kildi barg kabi ne-ne zamonlar, Biz ko‘rgan futbol ham sekin yo‘qoldi. Xotiradan o‘chdi qancha insonlar, Ammo bu ikki nom yurakda qoldi. — @Nurilloh_Husan ✍️ - @nurilloh__husanov