@htetaung4018: မိဘဆိုတာ တစ်ခါပဲ ရပိုင်ခွင့်ရှိတဲ့ ဘဝရဲ့ တစ်ဦးတည်းသော ရတနာပါ။ “အမေ” ဆိုတဲ့ မြစ်ကြီး မခန်းခြောက်ခင်၊ “အဖေ” ဆိုတဲ့ တောင်ကြီး မပြိုလဲခင်မှာ ရှိတုန်းလေး တန်ဖိုးထားကြပါ။ မိဘဆိုတာ ကိုယ်ဘယ်လောက်ပဲ မှားမှား ခွင့်လွှတ်ပေးဖို့ အဆင်သင့်ရှိနေတတ်တဲ့သူတွေ၊ ကိုယ်ဘယ်လောက်ပဲ အဆင်မပြေဖြစ်နေပါစေ ကိုယ့်အတွက် စိတ်ပူပေးနေတတ်တဲ့သူတွေပါ။ ကိုယ်စားဖို့အတွက် သူတို့ရဲ့စားချင်စိတ်ကို စွန့်လွှတ်ခဲ့ကြတယ်။ ကိုယ်ဝတ်ဖို့အတွက် သူတို့ရဲ့အဝတ်အစားကို လျှော့ချခဲ့ကြတယ်။ ကိုယ်အဆင်ပြေဖို့အတွက် သူတို့ရဲ့ပင်ပန်းမှုတွေကို ဘယ်သူ့ကိုမှ မပြောဘဲ မျိုသိပ်ထားခဲ့ကြတယ်။ ကိုယ်ငယ်ငယ်တုန်းက လက်ကိုတွဲပြီး လောကကြီးကို လျှောက်ပြခဲ့တဲ့ အမေ့လက်တွေ၊ ကိုယ်မလဲကျအောင် နောက်ကနေ အမြဲစောင့်ကြည့်ပေးခဲ့တဲ့ အဖေ့ခြေလှမ်းတွေဟာ တစ်နေ့မှာတော့ အားနည်းလာကြမှာပါ။ အရင်လို ကိုယ့်အတွက် အရာအားလုံးကို လုပ်ပေးနိုင်တော့မှာ မဟုတ်သလို ကိုယ်လိုအပ်တဲ့အချိန်တိုင်းမှာလည်း အနားမှာရှိနေပေးနိုင်တော့မှာ မဟုတ်ပါဘူး။ ဒါကြောင့် မိဘတွေရှိနေတုန်းမှာ အချိန်ပေးပါ၊ စကားပြောပေးပါ၊ သူတို့ပြောတဲ့စကားတွေကို စိတ်ရှည်ရှည်နဲ့ နားထောင်ပေးပါ။ ကိုယ်အလုပ်များနေတဲ့အချိန်လေးထဲက မိဘတွေအတွက် အချိန်နည်းနည်းလောက် ဖယ်ပေးပါ။ တစ်ခါတလေ သူတို့လိုချင်တာက ကိုယ့်ဆီက ငွေကြေးတွေ၊ လက်ဆောင်တွေ မဟုတ်ပါဘူး။ “အမေ နေကောင်းရဲ့လား” “အဖေ ထမင်းစားပြီးပြီလား” ဆိုတဲ့ စကားလေးတွေနဲ့ ကိုယ့်ရဲ့ဂရုစိုက်မှုလေးတွေပါပဲ။ မိဘတွေ မရှိတော့မှ အိမ်ပြန်ချင်လာတာ၊ မိဘတွေရဲ့အသံကို ပြန်ကြားချင်လာတာ၊ အမေ့ရင်ခွင်ထဲ ခဏလောက် ပြန်ဝင်ချင်လာတာ၊ အဖေ့လက်ကို ပြန်ဆုပ်ကိုင်ချင်လာတာတွေဟာ ဘယ်လောက်ပဲ တမ်းတတမ်းတ ပြန်မရနိုင်တော့တဲ့ နောင်တတွေ ဖြစ်သွားတတ်ပါတယ်။ မိဘဆိုတာ ကိုယ်ဘယ်လောက်ပဲ အောင်မြင်အောင်မြင်၊ ဘယ်လောက်ပဲ ချမ်းသာချမ်းသာ သူတို့ရဲ့နေရာကို ဘယ်အရာနဲ့မှ အစားထိုးလို့မရတဲ့ ဘဝရဲ့ အဖိုးတန်ဆုံး လက်ဆောင်ပါ။ မိဘရှိနေတုန်းမှာ ချစ်ပေးကြပါ။ မိဘရှိနေတုန်းမှာ ဂရုစိုက်ပေးကြပါ။ မိဘရှိနေတုန်းမှာ ကျေးဇူးဆပ်နိုင်အောင် ကြိုးစားကြပါ။ ဘာလို့လဲဆိုတော့ လောကကြီးမှာ ဆုံးရှုံးသွားတဲ့ ငွေကြေးတွေကို ပြန်ရှာလို့ရနိုင်ပေမဲ့ ဆုံးရှုံးသွားတဲ့ မိဘတွေရဲ့အချိန်တွေကိုတော့ ဘယ်လောက်ပဲ ငိုကြွေးတမ်းတနေပါစေ ပြန်ဝယ်လို့မရနိုင်တော့လို့ပါပဲ။ မိဘတွေရဲ့ အရိပ်အာဝါသအောက်မှာ နွေးထွေးခွင့်ရနေသေးတဲ့အချိန်ဟာ တကယ်တော့ ဘဝရဲ့ အကြီးမားဆုံး ကံကောင်းခြင်းပါပဲ။ #စာတို #fpyシ #foryoupage #မူရင်းကိုcrdပေးပါတယ်နော် #htetaung4018

🅗︎🅣︎🅔︎🅣︎ 🅐︎🅤︎🅝︎🅖︎

Open In TikTok:

Region: MY

Sunday 25 October 2026 04:28:27 GMT