@akphikram001: +នីតិវិធីឆែកឆេរ បទល្មើសជាក់ស្ដែងៈ មាត្រា ៩១ នីតិវីធីព្រហ្មទណ្ឌ 👮អនុវត្ដដោយមន្ដ្រីនគរបាលយុត្តិធម៌ ១.ត្រូវមានការអនុញ្ញាតជាបឋមដោយព្រះរាជអាជ្ញាទោះជាដោយផ្ទាល់មាត់ក៏ដោយ ២.ការឆែកឆេរចំពោះមុខអ្នកកាន់កាប់ទីកន្លែងឬចំពោះមុខសាក្សី២នាក់ដែលមិនចាត់តាំងដោយមន្ដ្រីនគរបាលយុត្ដិធម៌និងមិនមែនជាមន្ដ្រីនគរបាលយុត្តិធម៌ដែលចូលរួមឆែកឆេរ។ 👮ម៉ោងឆែកឆេរ : ចាប់ពីម៉ោង៦ព្រឹកដល់ម៉ោង ៦ល្ងាច។ ប៉ុន្ដែអាចឆែកឆេរបានគ្រប់ពេលក្នុងករណី៥ចំណុចដូចខាងក្រោមៈ +តាមមាត្រា៨៦ករណីបទឧក្រិដ្ឋឬបទមជ្ឈិមជាក់ស្ដែង +តាមមាត្រា៨៨ករណីចាត់ទុកថាជាបទ ឧក្រិដ្ឋឬបទមជ្ឈិមជាក់ស្ដែង +មានសម្រែកឲ្យជួយពីក្នុងទីកន្លែង +ម៉ោងបើកចំហសម្រាប់សាធារណជន +កន្លែងផលិតរក្សាទុកជួញដូរចែកចាយប្រើប្រាស់គ្រឿងញៀន 👮ការឆែកឆេរនៅការិយាល័យមេធាវី +ធ្វើដោយព្រះរាជអាជ្ញាឬចៅក្រមស៊ើបសួរប៉ុណ្ណោះ។ មន្ដ្រីនគរបាលយុត្តិធម៌ពុំមានសិទ្ធិឆែកឆេរទេ។ +ការឆែកឆេរត្រូវធ្វើចំពោះមុខប្រធានគណៈមេធាវីឬប្រតិភូរបស់ប្រធានគណៈមេធាវីឬចំពោះមុខមេធាវីសាមី។ 👮ការឆែកឆេរនៅក្នុងអគារសារព័ត៌មាន មន្ដ្រីនគរបាលយុត្ដិធម៌អាចធ្វើការឆែកឆេរតែធ្វើចំពោះមុខព្រះរាជអាជ្ញាឬចៅក្រមស៊ើបសួរដែលធានាការឆែកឆេរកុំឲ្យមានការប៉ះពាល់ដល់មុខរបរសេរីរបស់អ្នកសារព័ត៌មាននិងយឺតយ៉ាវដល់ការផ្សាយព័ត៌មានដោយមិនត្រឹមត្រូវ។ +កំណត់ហេតុឆែកឆេរនិងការបិទស្លាកលើវត្ថុតាង ម៩២ +មានចុះអំពីការអនុញ្ញាតឲ្យឆែកឆេររបស់ព្រះរាជអាជ្ញាដោយប្រាប់ពីថ្ងៃនិងម៉ោងនៃការអនុញ្ញាតនេះ។ +អត្ដសញ្ញាណអ្នកកាន់កាប់ទីកន្លែងឬសាក្សីនីមួយៗ។ +មន្ត្រីនគរបាលយុត្តិធម៌អាចចាប់វត្ថុតាងនិងបិទស្លាកបោះត្រាលើវត្ថុតាងនោះ។ +ក្រោយពីបង្ហាញវត្ថុចាប់បានដល់អ្នកកាន់កាប់ទីកន្លែងឬសាក្សី២នាក់មើលរួចហើយមន្ដ្រីនគរបាលយុត្ដិធម៌ធ្វើកំណត់ហេតុស្ដីពីការចាប់យករួមទាំងបញ្ជីសារពើភណ្ឌនៃវត្ថុដែលចាប់យក។ +កំណត់ហេតុស្ដីពីការចាប់យកត្រូវចុះហត្ថលេខាឬផ្ដិតម្រាមដៃដោយអ្នកកាន់កាប់ទីកន្លែងឬដោយសាក្សី ២ នាក់៕#ពាក្យច្បាប់ #យុត្តិធម៌ #akphikram

អភិក្រមAkphi Kram

Open In TikTok:

Region: KH

Sunday 25 October 2026 07:11:39 GMT