जब परिस्थितिले चुनौती दिन्छ, तब केवल आँट र सही अवसरले जीवनको दिशा बदल्न सक्छ भन्ने एउटा उत्कृष्ट उदाहरण बन्नुभएको छ २८ वर्षीय सुमन जियम बुढा। परिवारको कमजोर आर्थिक अवस्थाका कारण घर चलाउन निकै धौ-धौ परिरहेका बेला, उहाँले संकटलाई अवसरमा बदल्ने संकल्प गर्नुभयो। वडा कार्यालयले महिलाहरूका लागि आयोजना गरेको अटो चलाउने तालिम र दिएको केही अनुदानलाई उहाँले आफ्नो जीवनको बलियो जग बनाउनुभयो। अनुदानले मात्र नपुग्दा पनि हिम्मत नहारी, बाँकी रकम आफैंले ऋ'ण गरेर अटो किन्ने ठूलो साहस देखाउनुभयो। विगत ६ वर्षदेखि निरन्तर अटोको स्टेरिङ सम्हाल्दै परिवारको जिम्मेवारी कुशलतापूर्वक धानिरहनुभएकी सुमन आज समाजका लागि एउटा बलियो प्रेरणाको स्रोत हुनुहुन्छ। पुरुषको मात्र वर्चस्व मानिने क्षेत्रमा आफ्नो बलियो पहिचान बनाएकी उहाँ दृढ विश्वासका साथ भन्नुहुन्छ, "हामी महिलाहरू घरको काममा मात्र सीमित नभएर बाहिरी काममा पनि लाग्ने हो भने राम्रो हुनेरहेछ । आँट, मेहेनत र सीप हुने हो भने महिलाहरू कसैको भरोसामा बस्नु पर्दैन र जुनसुकै चुनौतीलाई पनि जितेर अगाडि बढ्न सक्छन् भन्ने कुरा सुमनको यो सुखद यात्राले प्रमाणित गरेको छ। उहाँको यो अटल साहस र आत्मनिर्भरताको यात्रालाई हार्दिक सलाम ! #creatorsearchinsights #sumangmbudha #ghorahi #autodriver #autorikshaw - @tori_lahure_official123