@ashana_tagamlary: Hem görnüşi hem-de tagamy bilen hemmeleri haýran galdyrjak iki sany dürli işdäaçaryň reseptini size hödürleýäris! Biri tazeje gök önümlerden taýynlanan ýeňil ýaz salady, beýlekisi bolsa islendik baýramçylyk saçagynyň ýyldyzy boljak kitirdewük kartoşkaly şugundyr salady. 1. Baklajanly ýaz salady Ýazyň we tomsuň şol taze energiýasyny saçagyňyza getirmek isleýänler üçin gaty lezzetli we ýeňil saýlama! Gerekli önümler: Baklajan: 2 sany Bolgar burç: 2 sany Hyýar: 2-3 sany Pomidor: 2 sany Gök otlar Sarymsak: 2-3 diş Duz: işdäňize görä Ösümlik ýagy (gaty gyzgyn ýag) Taýynlanyşy: Ähli önümleri uzyn we inçe (solomka) görnüşinde dograň. Üstüne maýda sarymsagy, gök otlary we duzy goşuň. Iň soňunda bolsa üstüne gaty gyzgyn gyzdyrylan ösümlik ýagyny guýuñ, gowy edip gatyşdyryň. Taze ýakymly ysy ýaýraýan saladymyz taýyn! 2.Kitirdewük kartoşkaly şugundyr salady Ýumşajyk şugundyr bilen agzyňda kitirdäp duran kartoşkasynyň ajaýyp utgaşmasy, myhmanlaryňyz hökman reseptini sorarlar! Gerekli önümler: Şugundyr : 1 kg bişirilen Kartoşka: 3-4 sany Ýumurtga: 5-6 sany (gaýnadylan) Mekgejöwen : 100 gr Maýonez: 250-300 gr Duz we gara burç: işdäňize görä Ösümlik ýagy: kartoşkany gowurmak üçin Taýynlanyşy: Kartoşkalary gaty inçe dograň, krahmaly gitsin diýip gowy edip ýuwuň we guradyň. Bol ýagda altyn öwüsýänçä gowuryp alyň. Gaýnadylan şugundyry we ýumurtgalary inçe uzyn görnüşde dograň. Çuňňur gaba şugundyry, ýumurtgany, mekgejöweniň köpüsini (azajygyny üsti üçin goýuň) salyň we maýonez, duz, burç goşup gatyşdyryň. Salady gaba owadanlap salyň, üstüni bolsa taýynlan kitirdewük kartoşkamyz we galan mekgejöwen däneleri bilen bezäň. Peýdaly maslahat: Kartoşkalaryň ýumşamazlygy üçin, ony edil saçaga goýjak wagty saladyň üstüne goýuň! Reseptleri ýitirmez ýaly saklamagy repost etmegi unutmaň! #reseptler #salat #ashanatagampary

Shakir Hemrayev

Open In TikTok:

Region: TM

Sunday 25 October 2026 07:30:51 GMT