@jihadstanana: صفارات الإنذار عم تعزف نفس اللحن العتيق دخان رمادي عم يخنق هوا الطريق بدقيقة وحدة بتنقلب الدني وما تسأل كيف كيس نايلون أسود بتلمّ فيه العمر عالخفيف أوراقك، صورك، وذكريات معلّقة بالحيطان صوت القصف بيهزّ الباطون ويهزّ الأركان البيوت ما عادت مأوى، صارت مقابر من طين والطرقات زحمة قهر، دموع وخوف دفين سيارات محملة فرشة وتخت ع السطوح عيون عم تطلع لورا... يا خوفي ما نرجع ونروح ​ حملنا الوطن بكيس نايلون، ومشينا عالطريق ضيعنا الملامح، والعمر عم يغرق بغميق نازح ببلدي، غريب بين أهلي والوجوه حلمنا نرجع عباب البيت... بس البيت هدّوه وصلنا عالمجهول، مدارس، أرصفة وخيام برد البلاط بياكل العضم، وين بدي نام؟ أولاد بتسأل "ماما وين ألعابي؟ وين الدفتر؟" والأم بتسكت، غاصّة بالدمعة عم تنكسر طابور ع المساعدات، ناس كانت بعزّها بتعيش صرنا رقم بإحصائية، ومستقبل ع كفّ الريش كل نشرة أخبار بتحكي بالسياسة والمصالح وما حدا شايف الجرح يللي بالقلب طافح كرامة إنسان عم تنداس تحت سقف الإعانات والأمل صار مجرّد شمعة دايبة بالساعات ​ مش قصة لجوء وأرقام ع شاشات التلفزيون هيدي بيوت كانت دافية، وناس ما بتخون مهما طال الدرب والريح هدّت الحيطان راجعين نبوس التراب... ونعمّر المكان. #معاناة #أمل

Jihad Tanana

Open In TikTok:

Region: LB

Sunday 25 October 2026 09:34:04 GMT