រូបចម្លាក់ព្រះនាយក ឬព្រះនារាយណ៍ផ្ទុំ (Reclining Vishnu) ធ្វើពីលង្ហិនដែលមានអាយុកាលជាង ១ពាន់ឆ្នាំ របស់ប្រទេសកម្ពុជា ត្រូវបានយកមកដាក់តាំងបង្ហាញនៅឯសហរដ្ឋអាមេរិក។ បេតិកភណ្ឌវប្បធម៌បុរាណរបស់កម្ពុជា កំពុងទទួលបានការចាប់អារម្មណ៍ពីអន្តរជាតិ ស្របពេលដែលរូបចម្លាក់លង្ហិនព្រះនាយកផ្ទុំ ដែលមានអាយុកាលជាង ១ពាន់ឆ្នាំ ត្រូវបានយកមកដាក់តាំងបង្ហាញនៅសហរដ្ឋអាមេរិក ដោយមានភ្ជាប់មកជាមួយនូវកម្មវិធីអបអរសាទរតាមបែបប្រពៃណីខ្មែរ។ កម្មវិធីបួងសួង និងស្រោចទឹកតាមបែបប្រពៃណីខ្មែរ ដែលដឹកនាំដោយវត្តទួលដំបូក ត្រូវបានគ្រោងទុកសម្រាប់ថ្ងៃអាទិត្យ ទី២៥ ខែតុលា ឆ្នាំ២០២៦ ដោយមានការសម្តែងរបាំប្រពៃណីពីសំណាក់ក្រុមរបាំអង្គរ និងក្រុម Pro Arte Fak.de។ ព្រឹត្តិការណ៍នេះមានគោលបំណងណែនាំទស្សនិកជនអន្តរជាតិឱ្យបានស្គាល់ពីប្រពៃណីវប្បធម៌ដ៏សម្បូរបែបរបស់កម្ពុជា ក៏ដូចជាសមិទ្ធផលសិល្បៈដ៏អស្ចារ្យនៃអាណាចក្រខ្មែរបុរាណ។ រូបចម្លាក់ព្រះនាយកផ្ទុំ ដែលជាស្នាដៃលង្ហិនដ៏កម្រពីសម័យអង្គរ ត្រូវបានរកឃើញជាកំណាត់ៗក្នុងឆ្នាំ១៩៣៦ នៅប្រាសាទមេបុណ្យខាងលិច ខេត្តសៀមរាប។ កំណាត់ទាំងនោះត្រូវបានបញ្ជូនទៅកាន់សារមន្ទីរជាតិកម្ពុជាក្នុងឆ្នាំ១៩៥០ ដើម្បីអភិរក្ស។ នៅឆ្នាំ២០២៤ កម្ពុជាបានអនុញ្ញាតឱ្យបញ្ជូនរូបចម្លាក់នេះទៅកាន់ប្រទេសបារាំងសម្រាប់ការអភិរក្ស និងជួសជុលកែច្នៃពិសេស ដែលជួយឱ្យអ្នកជំនាញអាចកសាងឡើងវិញនូវទម្រង់ដើមរបស់វា។ បច្ចុប្បន្ន រូបចម្លាក់នេះកំពុងត្រូវបានដាក់តាំងបង្ហាញជាបណ្តោះអាសន្ននៅសហរដ្ឋអាមេរិក តាមរយៈកិច្ចសហប្រតិបត្តិការសារមន្ទីរអន្តរជាតិរវាងកម្ពុជា បារាំង និងសហរដ្ឋអាមេរិក។ ក្រៅពីការដាក់តាំងបង្ហាញនូវបេតិកភណ្ឌបុរាណដ៏អស្ចារ្យ ាំងនេះ គឺផ្តល់ឱកាសឱ្យទស្សនិកជនបានស្វែងយល់ពីប្រវត្តិសាស្ត្រ ជំនឿខាងវិញ្ញាណ និងឧត្តមភាពសិល្បៈរបស់កម្ពុជា។ តាមរយៈព្រឹត្តិការណ៍វប្បធម៌ដ៏អស្ចារ្យនេះ កម្ពុជាបន្តនាំយករសបេតិកភណ្ឌអាយុកាលរាប់ពាន់ឆ្នាំរបស់ខ្លួនទៅកាន់ឆាកអន្តរជាតិ ដើម្បីអបអរសាទរភាពស្រស់ស្អាត ភាពច្នៃប្រឌិត និងអត្តសញ្ញាណនៃអរិយធម៌ខ្មែរ។#វត្ថុបុរាណខ្មែរ #khmer #cambodia🇰🇭 #fypシ #tiktok #fypシ゚viral🖤tiktok☆♡🦋myvideo - @rola50187