Dhulka Deegaanka Soomaalidu ma aha dhul cidla ah oo lagu soo duuli karo mana aha dhaxal aan lahayn dad u taagan ilaalintiisa. Waa dhul taariikh leh dad leh, sharaf leh, dhiig iyo halgan badanina ku baxay. Qadiyadda Mooyaale waa mid muqaddas ah difaaceeduna waa waajib Qaran oo aan gorgortan geli karin Waxaan si cad u caddaynaynaa in arrinta Mooyaale iyo difaaca dhulka Deegaanka Soomaalidu aanay ahayn arrin la fududaysan karo. Shacabka Soomaaliyeed ee Deegaanka Soomaalidu waxay xaq u leeyihiin inay ku noolaadaan dhulkooda iyagoo nabad qaba, sharaftooda la dhowrayo xuduudahoodana la ixtiraamayo Mooyaale waa qayb ka mid ah qadiyadda dhulkeenna, difaaceeduna waa difaaca karaamada iyo jiritaanka shacabka Deegaanka Soomaalida. Qof kasta oo isku daya inuu xoog ku beddelo xaqiiqada dhulka, ama uu ku xadgudbo xuquuqda shacabka, waa inuu ogaadaa in aan la aqbali doonin gardarro iyo duullaan. Dadka Oromada ah ee ku lug leh duullaanka iyo ku xadgudubka dhulka Deegaanka Soomaalida, waxaan ugu baaqaynaa inay joojiyaan gardarrada kana waantoobaan tallaabo kasta oo sii hurin karta colaadda. Shacabka Soomaaliyeed ma doonayaan colaad iyo dhiig daata, balse marnaba kama tanaasulayaan xuquuqdooda, dhulkooda iyo karaamadooda. Dhulka xoog laguma kala qaato, xaqana gardarro laguma tirtiri karo Difaaca dhulkeenna waa in lagu saleeyaa midnimo, isku duubni, feejignaan iyo ilaalinta sharciga. Waa in la xoojiyo nabadgelyada, la ilaaliyo shacabka rayidka ah, lana qaado tallaabooyin sharci ah oo lagu xaqiijinayo in aan mar dambe lagu xadgudbin dhulka iyo xuquuqda shacabka Deegaanka Soomaalida. Maanta waxaan u baahan nahay midnimo ka weyn kala qaybsanaanta go’aan ka adag hadal iyo hoggaan ka shaqeeya ilaalinta shacabka. Waa in codkeenna la maqlo, xaqeenna la ixtiraamo, dhulkeenana lagu ilaaliyo hannaan sharci ah oo sugan. Qof kasta oo Soomaali ah oo damiir leh waa inuu fahmaa in dhulku yahay astaan qaranimo, taariikh iyo aqoonsi. Haddii maanta la iska indho tiro gardarrada berri waxay noqon kartaa dhibaato ka sii weyn oo saameysa jiilasha soo socda Ma nihin dad dagaal doon ah, laakiin sidoo kale ma nihin dad xaqooda ka tanaasulaya. Waxaan rabnaa nabad sharaf leh, deris wanaag ku dhisan is.ixtiraam iyo xuduudka la dhowro Cid kasta oo nabadda iyo wada noolaanshaha dooranaysa, gacanteenna way ufuran tahay cid kasta oo gardarro dooranaysana, waxaan ugu baaqaynaa inay dib uga laabato waddada colaadda Ugu dambayn, waxaan garab taaganahay qadiyadda xaqa ah ee shacabka Deegaanka Soomaalida, gaar ahaan difaaca Mooyaale iyo ilaalinta dhulka ay dadkeennu xaqa u leeyihiin Waxaan taageersanahay dadaal kasta oo sharci ah oo lagu ilaalinayo nabadda lagu difaacayo shacabka laguna xaqiijinayo in aan dhulka Deegaanka Soomaalida lagu soo xadgudbin Qadiyaddeennu waa xaq Dhulkeennu waa sharaf Midnimadu waa awooddeenna Nabadda iyo difaaca dhulkeenna waa mas’uuliyaddeenna Mohamed Tayyip Shidane #DifaacaDhulka #Mooyaale #DeegaankaSoomaalida #MidnimoIyoMadaxbannaaniQaran #NabadIyoCadaalad - @mohamed.shidane555