@qogamdyq_kelisim_atyrauu: Республика күніне орай Мемлекеттік Ту көтерілді Республика күніне орай Атырау қаласындағы Мемлекеттік рәміздер алаңында Мемлекеттік Туды салтанатты түрде көтеру рәсімі өтті. Салтанатты жиынға Атырау облысының әкімі Болат Ақшолақов қатысып, тұрғындарды ұлттық мерекемен құттықтады. Рәсім барысында Қазақстан Республикасының Мемлекеттік Туы тұғырға көтеріліп, Мемлекеттік Әнұран орындалды. Салтанатты сәтті тамашалауға жиналған қауым ел тәуелсіздігі мен бірлігін айшықтайтын мемлекеттік рәмізге құрмет көрсетті. Мерекеге Атырау облысы Ішкі саясат басқармасының «Қоғамдық келісім» КММ қызметкерлері, этномәдени бірлестіктердің төрағалары мен мүшелері де қатысты. Республика күні Қазақстанның мемлекеттілігін нығайту жолындағы тарихи қадамдарды еске алып, тәуелсіздік құндылықтарын дәріптейтін маңызды мереке. Бұл күн ел бірлігін, қоғамдық келісімді және ортақ Отанға деген құрметті бекемдей түседі. #Республикакүні #RepublicDayKazakhstan
