@leqalxeber.az: Oktyabrın 26-da Azərbaycanda gözlənilən hava şəraiti açıqlanıb. LEQAL XƏBƏR məlumat verir ki, Milli Hidrometeorologiya Xidmətinin məlumatına görə, Bakıda və Abşeron yarımadasında hava dəyişkən buludlu olacaq, arabir tutulacaq. Gün ərzində əsasən yağmursuz hava şəraiti gözlənilsə də, gecə və səhər bəzi yerlərdə qısamüddətli yağış yağacağı və şimşək çaxacağı ehtimal edilir. Şimal-şərq küləyi əsəcək. Paytaxt və Abşeron yarımadasında havanın temperaturu gecə 13–16, gündüz 17–20 dərəcə isti olacaq. Atmosfer təzyiqi 767 mm civə sütunu təşkil edəcək. Nisbi rütubət gecə 70–75%, gündüz isə 60–65% olacaq. Azərbaycanın rayonlarında da bəzi yerlərdə arabir yağış yağacağı və şimşək çaxacağı gözlənilir. Yağıntıların səhər saatlarından tədricən kəsiləcəyi bildirilir. Ayrı-ayrı ərazilərdə duman müşahidə olunacaq. Şərq küləyi əsəcək. Rayonlarda havanın temperaturu gecə 12–15, gündüz 17–20 dərəcə isti olacaq. Dağlıq ərazilərdə isə gecə 0–5, gündüz 5–9 dərəcə isti gözlənilir. #hava #yağış #proqnoz

Leqalxeber

Open In TikTok:

Region: AZ

Sunday 25 October 2026 12:24:10 GMT