@19891991t: أول راتب استلمته، وعمري 23 سنة، گالي أبويه: — ابني، كل شهر حولي 50 ألف دينار. گتله مستغرب: — ليش يابه؟ شتسوي بيهن؟ گال بكل برود: — هاي حگ التربية. ضحكت، عبالي ديتشاقة، بس هو ما ضحك، ومن ذاك اليوم صارت عادة… كل يوم 27 من الشهر، من ينزل الراتب، أحوّل لأبويه 50 ألف دينار، وأكتب بالملاحظة: «حگ التربية». وهو يرد كل مرة بنفس العبارة: — وصلت، الله يرزقك ويحفظك. ولا مرة زاد عليها كلمة. حوّلتله من چنت عزابي، وحوّلتله من تزوجت، وحتى بأشهر الزواج الأولى، والديون فوگ راسي والمصاريف ما تخلص. وحوّلتله بالشهر اللي انولد بيه ابني، رغم إنّه ما بقى براتبي غير 75 ألف دينار. مرتي چانت تكلي: — عمي متقاعد وعنده بيت وراتب، شيسوي بالـ50 ألف كل شهر؟ وأصدقائي يضحكون ويگولون: — أبوك مسويلك ضريبة شهرية لو شنو؟ وأني أضحك وأگول: — أبويه هيچ طبعه، شنسوي وياه! مرّة تأخرت عليه يوم واحد، وبالساعة 7 الصبح اتصل بيّ: — ها ابني، هو ماكو شي؟ عسى ما شر؟ حوّلتله الفلوس، وگعدت أضحك بيني وبين نفسي: «والله أبويه أدق من المصرف بمواعيد التحويلات!» ومرّت السنين، سنة ورا سنة… لحد ما كملت 12 سنة على هالسالفة. بس محد يدري شنو مخبّي إلنا باچر. قبل 3 أشهر، الشركة اللي أشتغل بيها بطلوني! انصدمت، وضعت، وما عرفت شلون أتصرف. ما گلت لأحد، حتى مرتي ما كلتلها. كل يوم ألبس وأطلع من البيت الساعة 7 الصبح، مثل كل يوم دوام. أروح أگعد بسيارتي يم كوفي، وأبقى للظهر، وبعدين أرجع للبيت وكأني راجع من الشغل. چنت خايف… مو بس من المصاريف والديون، چنت خايف من اللحظة اللي أضطر بيها أگول لأهلي إنّي ما عندي شغل. وجا يوم 27… وما نزل راتب. أول مرة من 12 سنة، ما حوّلت لأبويه ولا دينار. گلت بيني وبين نفسي: باچر أتصل بيه وأشرحله، وأشوف شلون أدبّر أموري. بس بعد العشا، دك تلفوني. أبويه. ردّيت، گال: — ابني، ما وصلتني الفلوس. گتله بصوت مرتبك: — إي يابه، نسيت، باچر إن شاء الله أحوّلهن. سكت شوية، وبعدين گال: — تعال هسه، وحدك. رحت لبيت أبويه، ودخلت للصالة. لكيته گاعد، وگدامه دفتر قديم وظرف بني. أشرلي على الدفتر وگال: — افتحه، ابني. فتحته… لكيت بيه تواريخ، كل شهر و تاريخ مكتوب 50 ألف دينار، واسمي. بس الشي اللي حيّرني، إنّه يم كل مبلغ مكتوب شنو صار بيه. «براد مي للجامع». «سلة غذائية لعائلة متعففة». «كفالة يتيم». «مساهمة بعلاج مريض». «توزيع مي على العمال بالصيف». بقيت أگلب بالصفحات، لحد ما وصلت للنهاية. 144 شهر… يعني 144 تحويل. رفعت راسي وگتله: — يابه، شنو هذا؟ باوع علياوگال: — ولا دينار من فلوسك دخل جيبي، ابني. حسّيت بشي يعصر گلبي. كمل: — تدري براد المي اللي يم الجامع القريب من شغلك؟ اللي تشرب منه كل يوم؟ گتله: — إي يابه، شبي؟ طلع تلفونه وشوفني صورة البراد، وعليه ورقة صغيرة مكتوب بيها: «صدقة عن ولدي، الله يحفظه ويرزقه». بقيت اباوع بالصورة، وما گدرت أحچي. سنين وأنا أشرب من هذا البراد، وأدعي للي حاطّه وما چنت أدري إنّه أبويه… وإنّه كل يوم يسويلي خير وأنا ما أعرف. گتله وصوتي يرجف: — يابه، ليش ما گليتلي؟ ابتسم ابتسامة هادئة وگال: — إذا گتلك، جان سويتلي حساب، وآني ما أريدك تحس إنّي آخذ منك شي وأرجعه إلك. أريدك تتعلم العطاء، وتعرف إنّ رزقك مو إلك وحدك. وبعدها سحب الظرف البني ونطانيا. گال: — وهذا إلك. فتحته… لكيت بيه 36 مليون دينار عراقي. رفعت عيوني عليه، مصدوم، وگتله: — يابه! شنو هاي الفلوس؟ منين جبتها؟ گال: — من أول راتب استلمته، آني چنت أحط 250 ألف دينار كل شهر على صفحة. وكمل: — گلت يمكن يجي يوم تصيرلك مشكلة بيه، أو تحتاج بيه أحد، وما تحب تحچي. فگلت أخليلك شي يفيدك بذاك اليوم. گتله ودموعي بدت تنزل: — يابه، شلون عرفت إنّي ما عندي شغل؟ گال: — ابني، 12 سنة كل يوم 27 تحوّل إليّ، وما تأخرت غير مرة وحدة. هالشهر ما وصلت الحوالة، وعرفت أكو شي مو طبيعي. أني أبوك، أعرفك من نبرة صوتك قبل لا تحچي. بهاللحظة، ما گدرت أتحمل. نزلت راسي وبچيت مثل الطفل. أبويه قرّب مني، وحط إيده على چتفي وگال: — ابني، الـ50 ألف آني ما چنت محتاجهن. ولا آني جنت أريد فلوسك، ولا جنت أريد أثقل عليك. سكت شوية، وبعدين گال الجملة اللي مستحيل أنساها طول عمري: — آني چنت أريد أعرف كل شهر إنّك بخير، من دون لا أسألك وتگلي: تمام يابه، وإنت من داخلك مو تمام. والله يا جماعة، بهاي اللحظة حسّيت إنّي طول هالسنين چنت أحسب نفسي دا انطي لأبويه، بس بالحقيقة هو اللي چان دا ينطيني… ينطيني درس بالعطاء، ودرس بالأبوة، ودرس بالمحبة اللي ما تحتاج كلام. بعد شهرين، الله كرمني وحصلت شغل جديد. وأول يوم 27 من الشهر، حوّلت لأبويه 50 ألف دينار، وكتبت بالملاحظة: «حگ التربية». ردّ عليّ مثل كل مرة: — وصلت، الله يرزقك ويحفظك وبعد دقيقة، وصلتني منه رسالة ثانية… أول مرة يكتبلي شي غير هالعبارة: «ابني، بعد لا تضم عليا… إذا تعبت، آني أبوك. وإذا ضاقت بيك الدنيا، بابي مفتوح إلك قبل لا يكون عندك دينا

🌧️🌨
🌧️🌨
Open In TikTok:
Region: IQ
Sunday 25 October 2026 18:34:14 GMT
481049
13096
2234
3278

Music

Download

Comments

ahme.d100
احمد هادي :
ياأخي متكلي منين طلعلي مننشورك مو موتتني وفطرت كلبي والله محروم من الاب من عمري سنتين عدمه صدام وبحياتي مشايفه جانت امنيتي عندي اب مثلك الله يحفظلك ابوك واهلك
2026-10-26 15:27:56
385
user7146143910
جمانة الكردي :
اني اول راتب هماتين عمري ٢٣ وضعته بيد والدي الذي توفاه الاجل بعد شهر من تعييني ولحد هاي اللحظة كل شهر ارسل لوالدتي كل راتب ١٥٠ الف على مدى ٢٠ سنه
2026-10-26 09:44:09
142
ij.v_k9
استثنائيه :
افضل قصه قرائتها درس وعبره لكل شاب 💔🥺
2026-10-26 13:47:37
140
user174421990
ام سما👨‍👨‍👧 :
الاب نعمه متتعوض راح من 16يوم الله ييرحمك يانور عيوني اخذت روحي وياك وعيوني انطفت دا اموت الف موته باليوم افكر شلون هسه وحده وشلون خاف مكانه ممرتاح يريد يكعد تعب من التمدد خاف بريد يندار خاف اشتاقلنه خاف ضايج وافكر شنو هسه ديصير وياه شلون اروح اجيبه انيمه يمي شلون دفناه ميتحمل ظلمه او وحده وهو كل شويه كعدوني ورجعوني امدد ،افكر خايف من الدفنه جوه وسدة الحفره اقره اسمه ع القبر هذا هو لااا ملاىك اله مو هذا ابويه عايش انتهيت والله
2026-10-26 22:49:18
10
zaynabalbasarawih1
زينب البصراويه :
اني بجيت رغم ابوي عايش ومايسأل عليه اله اني اسئل عليه لو ابقه اشهر مايسئل 😭😭😭😭
2026-10-26 19:19:19
48
user6111847041926
ام عمر :
لااله الاالله والله اني قلبي تعبان من الهم والقهر وهذا القهر زاد عندي بعد اكثر والذكريات ادمر موتتني الذكريات على ابني عمر الله يرحمه بعد شباب ولااخذت منه فديوم جنت انقهر عليه سوده عليه كثر مااحبه حبيبي وصديقي كان عمر استغفرالله ربي واتوب اليك
2026-10-26 13:08:04
7
ss_dab
سداب :
والله بجيت السبب الاول تصرف الاب والسبب الثاني اني ماعرفت وجود الاب وعيت على الدنيا والدي متوفي واتمنى امنيه اني التقي برجل يعاملني معامله الاب
2026-10-26 08:45:43
51
user555499717110
عطر الياسمين :
ذكرتني بابويه من ازوجت ويجي كل اسبوع وكان عنده بايسكل وبيه سله يمليها الي بالاشياء الي احبها ويدگ الباب دگه خفيفه يخاف يكعد جهالي ..الله يرحمگ يابويه شسويت بينه بهذا المنشور 🥺🥺
2026-10-26 18:22:51
26
mary.yosuf
Mary Yosuf :
لا حول ولا قوة الا بالله العلي العظيم اني والدي باع كل اثاث البيت حتى نوصل بالدراسه اخر شي رهن البيت بس حتى نوصل ونعتمد على نفسنه تالي تخرجنه وتعينه وللأسف ما جازيناه توفى قبل ما نستلم راتب واحد الف رحمه على روحك الطاهره يابه 🥺
2026-11-09 00:25:27
5
user53281955710993
شمس الغروب :
الاب عطاء والله عيوني من وحدها 😭 دمعت جان ابويه الله يرحمه يحس بينا دون منتكلم يكول عيونكم تحجي اه يابويه😭😭😭
2026-10-26 07:48:33
23
zainab.loly
زينب الدرويش :
ابويه متعلم ينطي امه وخواته رغم متزوجات وامورهن ميسوره ومن كبرنا وتعينو، اخوتي وخواتي اني ماتعينت كللهم الكل تنطي لزينب شهريه وكل راتب يطوني وتعينت، وبقينه واحد يسند الثاني وننطي لامي كل شهر مرات نضحك على ابويه نگله ولا تنسى بالفلوس.. كال العطاء حلو تتعلم تكرم من كدك وتعبك وتتعلم تكون سخي اليوم عندك باجر من لا سامح الله من تدور بيك الدنيا اكو من يساعدك وينطيك بدون ما يعز عليه الفلس.. وحاليا حتى اولادي هم هيج اعلمهم.. ربي ينطي الصحة لوالدك ويحفظلي ابويه حبيبي
2026-10-27 06:34:52
11
alrawi3_
ك̲̅ل̲̅ي̲̅م̲̅ن̲̅ج̲̅ا̲̅ر̲̅و̲̅ :
عندما نعرف آباءنا يكون الوقت قد تأخر
2026-10-26 12:11:58
19
user2349715753093
دره العبيدي :
متت والله وخليني اعيد حساباتي مع والدي اوووووف ياربي شكد هاي الدنيا غارتنا وشكد مذنبين بحق الوالدين وإني عن نفسي حيل حيل مقصره
2026-11-07 13:07:45
6
noor25247
،،،،سيدة من الاساطير,,,,, :
أن قلوبنا مهشمة لاتتحمل الألم وانت حملتها حملا اخر🥺
2026-10-26 18:27:40
12
user7461907588733
👑سارينا👑 :
اني اقره وابجي ابوك شكد انسان مثقف ومحترم وخلوق وانت شكد ولد بار وبجيت لان اني مسؤوليتي جبيره كلش محد يحس بيه واكول الحمدلله ع كل حال
2026-10-26 15:05:35
13
techer.b
زهرة عمري :
بكيت أقسم بالله وجسمي قشعر لا حول ولا قوة الا بالله 😔😥😭
2026-10-26 15:21:00
11
defrantman1
defrantman :
على الرغم من انها قصه مؤلفه وليست حقيقيه لكنها جميله وفيها عبره.
2026-10-26 08:21:11
5
user145856665
☁غيمه يناير☁ :
😔ريت الاباء لا يرحلون اطال الله في اعمار الاحياء منهم ورحم الاموات منهم [قلب موجوع][قلب موجوع]
2026-10-26 19:23:03
2
kardynya15
Kardynya :
مر زمن لم استطع أن ابكي وانزل دمعة اليوم بكيت وبحرقة لم استطع أن أمسك دموعي أصبحت تسيل لوحدها . الله يرحم والدك كم كان يحبك. وكم هو اب عظيم
2026-10-26 07:11:25
5
attorney.lina.alt
Attorney Lina Al-Tamimi :
والله. نزلت دموعي. بدون. مااحس بنفسي. ا
2026-10-26 15:04:59
1
beeso5.3basra
Besso5.3 :
امنيتي كانت ادلل أبوي من الخير اللي الله عطاني إياه لكن الحمدلله أمر الله غالب اتمنى أكون رديت و لو جزء بسيط لوالدتي واخواتي واخوي .
2026-10-26 17:34:04
1
vixovl
Suhela Atabe :
الصراحه قصه فيها عبرة مؤثرة جدا بعلاقه الاب والابن والتربيه الصح
2026-10-27 12:05:39
1
yh99004
يحيى العراقي :
والله بجيت ذكرت حنيت ابوي
2026-11-09 22:01:44
1
user7815434996506
العراقي🇮🇶🇮🇶 :
ماعرف شحجي واكول ودموعي تنزل تالمت كثيرا جزا الله والدك خير جزاء ونعم الاب ونعم الابن
2026-10-26 15:57:24
1
fe349iu
علي العراقي :
قصه بيهه كل العبر والله شبعت بجي .... ماكو مثل الاهل احن والطف من بعد الله علينا ....
2026-10-26 17:25:21
1
To see more videos from user @19891991t, please go to the Tikwm homepage.

Other Videos


About