@awad.abdulaziz2: ■ الغربة فى ذمة الله ، زمان كانت الغربة تتصنف إنها فرصة، وإن "اللي بيطلع بره بيبني مستقبل وبيعمل قرشين يعوض بيه تعبه". لكن للأسف، الواقع اليومين دول بقى حاجة تانيه خالص. =========== ■ الغربة بقت للمصاريف، وده لو عرفت تمشّيها أصلاً مصاريف. =========== وليس الغرض من البوست الإحباط ، اعتبروه فضفضة بينا وبين بعض، وكل واحد بيطلع اللي جواه. ============== ■ فيه ناس بقالها فترة مش قادرة تنزل إجازة، مش عشان مش عايزة، لكن عشان مفيش معاها فلوس تكفي تذكرة وهدايا وطلبات البيت. واحد معهوش فلوس هينزل يعمل إيه؟ وده حال نسبة كبيرة من الناس. ============= ■ أكيد فيه ناس أمورها تمام ولا خلاف على ذلك ، لكن لما بنكتب منشور بنحاول نعبّر عن الصورة العامة، وربنا ييسّرها على الناس كلها. ============= ■ زمان كان الواحد بيعرف يوفّر ويبني ويشتري من حاجات بسيطة. أما دلوقتي، اللي قايم ببيته ومسؤول عن أسرته بطل بجد. عمره ما كان ضعيف ولا بيشتكي من فراغ، لكن الظروف أقوى منه. ============ ■ والشغل معدش زي الأول، وكتير هيأيّدوا كلامي من الواقع اللي عايشينه. =========== ■ الخلاصة من الكلام اللى معه مصلحه فى بلده وبتدخل دخل كويس حافظ عليها ، واللى شغال شغلانه ووضعه فيها كويس يتمسك بها ، وكل ست تحافظ على فلوس زوجها لان الأيام الجاية هتكون صعبة شوية وربنا يهونها على الناس #الغربة #مصر #الامارات #السعودية

عوض عبد العزيز Awad Abdulaziz

Open In TikTok:

Region: SA

Sunday 25 October 2026 20:09:47 GMT