@vanny5183: ___១.បញ្ហាគឺជាមេរៀនដ៏សំខាន់ ព្យុះភ្លៀងដែលបោកបក់មក ប្រៀបបាននឹងសេចក្តីទុក្ខក្នុងចិត្ត។ ពេលដែលវាឆ្លងផុតទៅ វានឹងធ្វើឱ្យយើងកាន់តែរឹងមាំ និងទទួលបាននូវមេរៀនព្រមទាំងជំនាញជីវិតថ្មីៗជានិច្ច។ ២. យើងអាចចាប់ផ្តើមថ្មីបានជារៀងរាល់ថ្ងៃ យើងមិនចាំបាច់លិចលង់ ឬនៅទ្រឹងជាមួយអតីតកាលដែលធ្លាប់ខុសឆ្គងឡើយ។ រាល់ពេលភ្ញាក់ពីគេងក្នុងថ្ងៃថ្មី យើងមានសិទ្ធិ និងជម្រើសក្នុងការបោះបង់អតីតកាលចោល រួចចាប់ផ្តើមធ្វើជាមនុស្សដែលល្អជាងមុន ដើម្បីខ្លួនឯងបានភ្លាមៗ។ ៣. ដួលហើយត្រូវចេះងើប ភាពបរាជ័យ គ្រាន់តែជាឥន្ធនៈជំរុញឱ្យយើងឈានទៅរកភាពជោគជ័យប៉ុណ្ណោះ។ បើថ្ងៃនេះដួល សូមត្រឹមរង់ចាំឱ្យមានកម្លាំង រួចក្រោកឈរតស៊ូម្តងទៀត។ នេះហើយជាអាថ៌កំបាំងនៃការរស់រានមានជីវិត។ ៤. កុំវិនិច្ឆ័យនរណាម្នាក់លឿនពេក យើងគ្មានផ្លូវដឹងឡើយថា អ្នកដទៃបានជួបប្រទះរឿងរ៉ាវអ្វីខ្លះនៅក្នុងជីវិតរបស់គេ។ មុននឹងសម្រេចចិត្តវិនិច្ឆ័យទង្វើរបស់នរណាម្នាក់ យើងគួរសាកល្បងសួរនាំ ឬព្យាយាមស្វែងយល់ពីហេតុផលនៅពីក្រោយខ្នងរបស់ពួកគេជាមុនសិន។ ៥. ការទទួលខុសត្រូវក្នុងទំនាក់ទំនង នៅពេលដែលសម្រេចចិត្តសាងទំនាក់ទំនងជាមួយនរណាម្នាក់ហើយ យើងត្រូវចេះថែរក្សា និងមានការអត់ធ្មត់ចំពោះចំណុចខ្វះខាតរវាងគ្នាទៅវិញទៅមក។ បើមិនគិតចង់ថែរក្សាវាទេ ក៏មិនគួរចាប់ផ្តើមតាំងពីដំបូងឡើយ។ ៦. និយមន័យនៃភាពក្លាហាន មនុស្សដែលក្លាហាន មិនមែនជាមនុស្សដែលមិនចេះខ្លាចនោះទេ តែជាមនុស្សដែលហ៊ានសម្រេចចិត្តចុះដៃធ្វើ ទាំងដែលក្នុងចិត្តនៅតែមានអារម្មណ៍ភ័យខ្លាច។ ៧. ភាពជោគជ័យតាមបែបផែនរបស់យើង ប្រសិនបើយើងបានចុះដៃធ្វើអ្វីមួយអស់ពីសមត្ថភាពហើយ ទោះបីជាគ្មាននរណាមើលឃើញ ឬកោតសរសើរក៏ដោយ ក៏វានៅតែចាត់ទុកជាភាពជោគជ័យដ៏គួរឱ្យមោទនៈ តាមបែបផែនរបស់យើងផ្ទាល់ជានិច្ច។ ៨. គូរផែនទីជីវិតដោយខ្លួនឯង កុំដើរតាមផ្លូវដែលអ្នកដទៃគូសវាសឱ្យ ត្រឹមតែព្រោះវាមានទិដ្ឋភាពស្រស់ស្អាត។ ចូរជ្រើសរើសផ្លូវដែលខ្លួនឯងស្រឡាញ់ និងត្រៀមខ្លួនរួចរាល់ក្នុងការប្រគល់បេះដូងឱ្យវា។ ទោះលទ្ធផលចេញមកបែបណាក៏ដោយ ក៏ជីវិតនៅតែមានអត្ថន័យ។ ៩. ក្តីស្រឡាញ់គឺជាកម្លាំងជំរុញ សេចក្តីស្រឡាញ់ដ៏ស្រស់ស្អាត គឺការដែលមនុស្សពីរនាក់ក្លាយជាកម្លាំងចិត្ត និងបំផុសគំនិតឱ្យគ្នាទៅវិញទៅមក ជួយជំរុញគ្នាឱ្យដើរតាមក្តីស្រមៃរៀងៗខ្លួន មិនមែនបណ្តោយឱ្យភាគីណាមួយត្រូវតស៊ូតែម្នាក់ឯងនោះទេ។ ១០. ទទួលស្គាល់ការពិតនៃជីវិត ជីវិតតែងតែមានលាយឡំគ្នាទាំងសេចក្តីសុខ និងសេចក្តីទុក្ខ។ រឿងរ៉ាវទាំងនេះ គឺជាគ្រឿងដាស់តឿនដ៏សំខាន់ ដែលរំលឹកយើងឱ្យដឹងថា យើងនៅតែមានដង្ហើម និងកំពុងមានជីវិតរស់នៅ។ លន់-Lun