@expert.x5: عجیب عہد ہے تمہاری محبت کا، جاناں! نہ تمہیں پانے کی ضد باقی رہی، نہ تمہیں کھونے کا خوف پہلے جیسا رہا؛ بس ایک دل ہے جو آج بھی تمہارے نام سے دھڑکتا ہے، مگر اب اپنی دھڑکنوں پر بھی اس کا اختیار نہیں رہا۔ کبھی فرصت ملے تو سوچنا کہ کسی شخص کو محبت میں ہارنے کے لیے ہمیشہ جدائی ضروری نہیں ہوتی۔ کبھی کبھی محبوب کے سامنے اپنی تمام خواہشات سے دست بردار ہو جانا بھی ایک ایسی شکست ہوتی ہے، جس کا شور دنیا نہیں سنتی، مگر اس کی گونج عمر بھر دل میں باقی رہتی ہے۔ تم خوش رہنا، محترمہ! تمہاری خوشی کے لیے میں نے اپنے دل کی کتنی ہی خواہشوں کا گلا گھونٹا ہے۔ اب تم سے کوئی سوال نہیں، کوئی شکایت نہیں، کوئی مطالبہ نہیں۔ بس ایک خاموش سی محبت ہے، جو تم سے کچھ مانگتی نہیں، مگر تمہیں اپنے اندر سے نکال بھی نہیں پاتی۔ تمہارے عہد میں میرے دلِ زار کے سبھی اختیار چلے گئے؛ اب نہ محبت سے انکار ممکن ہے، نہ تم سے اقرار کی امید باقی ہے۔ تمہارا، وہ شخص جس نے تمہیں چاہنے کا اختیار تو رکھا، مگر تم سے کچھ چاہنے کا حق کھو دیا۔

ع🫀

Open In TikTok:

Region: PK

Monday 26 October 2026 06:36:22 GMT