@ischizophrenia: بەقەد بوڕکانێکی چەندین ساڵ نەتەقیو لێت پڕم؛ ئەو بوڕکانەی لە دەرەوە بێدەنگن، بەڵام لە ناخیاندا هەزاران ئاگر دەسووتێت. منیش ماوەیەکە هەر وام، لە دەرەوە ئارامم، وەک هیچ شتێک نەبێت، بەڵام لە ناوەوە هەموو شتێکم ئاگری گرتووە. هەموو ئەو قسانەی نەمتوانی بڵێم، هەموو ئەو ئازارانەی بە بێدەنگی هەڵمگرت، هەموو ئەو جارەی دڵم شکا و بە خەندە خۆم شاردەوە، کەڵەکە بوونە و بوونەتە چیا لە ناخمدا. من لێت پڕم، نەک تەنها لە تۆ، بەڵکو لە هەموو ئەو شتانەی بەهۆی تۆوە لەدەستم چوون؛ لە ئارامییەکەم، لە متمانەم، لەو دڵە پاکەی ڕۆژێک باوەڕی وابوو خۆشەویستی دەتوانێت هەموو شتێک چاک بکاتەوە. ئێستا لە ناخمدا بوڕکانێک هەیە کە ساڵانەیە نەتەقیوە، بەڵام ئەوەی دەترسێنێتم ئەوە نییە کە ڕۆژێک دەتەقێت؛ ئەوەی دەترسێنێتم ئەوەیە ڕۆژێک تەقینەوەکەی دەبێتە بێدەنگییەکی هەمیشەیی، و من چیتر هیچ هەستێکم بەرامبەرت نامێنێت. چونکە هەموو بوڕکانێک هەمیشە ئاگریان ناگرێتەوە؛ هەندێکیان دوای تەقینەوەیەکی گەورە، تەنها خۆڵەمێشێک بەجێ دەهێڵن. و من دەترسم ڕۆژێک بگات کە تۆ بگەڕێیتەوە بۆ ئەو دڵەی جارێک هەموو جیهانت بوو، بەڵام لەوێ نە ئاگرێک ببینیت، نە گەرمییەک، نە تەنانەت ئازارێک... تەنها خۆڵەمێشێک؛ خۆڵەمێشی هەموو ئەو خۆشەویستییەی کە زۆر جار هەوڵم دا بیپارێزم، بەڵام لە کۆتاییدا خۆی بوو بە هۆی سووتانم #foryou#fyp

࣪شیزۆفرینیا

Open In TikTok:

Region: IQ

Monday 26 October 2026 12:06:04 GMT