@cawabemedia_: Mkuu wa Wilaya ya Bariadi, Simon Simarenga, akiwa ameambatana na Jeshi la Polisi, ameingilia kati na kusitisha sherehe ya ndoa ya mwanafunzi wa kidato cha nne katika Kijiji cha Igaganurwa, Kata ya Dutwa, Wilaya ya Bariadi. Tukio hilo limetokea wakati mwanafunzi huyo akiwa amemaliza mitihani yake ya kidato cha nne na kusubiri matokeo, huku familia yake ikidaiwa kupokea mahari ya ng’ombe 16 kwa ajili ya kumuozesha. Mwanaume anayedaiwa kupewa nafasi ya kumuoa mwanafunzi huyo anadaiwa kuwa tayari ana mke mwingine. Hatua ya Mkuu wa Wilaya kuingilia kati imeibua mjadala kuhusu umuhimu wa kulinda haki za watoto wa kike, kuhakikisha wanaendelea kupata elimu na kuzuia ndoa zinazoweza kuhatarisha mustakabali wao.