ئەم سوڕەتە تاكە سوڕەتێكى قورئانە كە بە [بسم الله الرحمن الرحيم] دەستپێناكات چونكە ئەم سوڕەتە بە دەربڕینی بێزاری خودا و پێغەمبەرەكەی (ﷺ) لە بتپەرستان و كافران دەستپێدەكات، جا چونكە [بسم الله الرحمن الرحيم]ـیش بەڵگەی سۆز و میهرەبانی (الله) یە هەربۆیە لێرەدا باس لەو سۆز و میهرەبانیە نەكراوە؛ وە لەبەر ئەوە پێی دەوترێت سوڕەتی "تەوبە" چونكە لە كۆتایی سوڕەتەكەوە خودا تەوبەی لە تەواوی موسڵمانان بە كۆچەری و یارمەتیدەرەوە وەرگرت بەتایبەتی تەوبەی ئەو سێ كەسەی كە لە غەزای تەبووك خۆیان دواخست و پاشان پەشیمان بوونەوە، وە (براءة)ی پێ وتراوە، چونكە سەرەتای سوڕەتەكە بە بێزاری و بەری بوونی خودا و پێغەمبەرەكەى (ﷺ) لە موشریكان دەست پێ دەكات، وە هەروەها چونكە بەشێكی زۆری سوڕەتەكە باسی چۆنیەتی هەڵسوكەوتی دووڕوەكان و ئابڕوبردنیانە بۆیە (فاضحة)ـیشی پێ وتراوە؛ سەرەتاى ئەم سوڕەتە لە ساڵی نۆی كۆچی پاش گەڕانەوەی پێغەمبەرمان (ﷺ) لە غەزای تەبووك هاتە خوارەوە، پێغەمبەرمان (ﷺ) ویستی ئەو ساڵە حەج بكات بەڵام كاتێ وتیان بتپەرستان هەروەكو باوی خۆیان دێن بۆ حەج و ئەوان بە ڕووتی بە دەوری كەعبەدا ئەسوڕێنەوە پێغەمبەر (ﷺ) پێی ناخۆش بوو بچێت جابۆیە لەجیاتی خۆی ئەبوبەكری ئەو ساڵە نارد كە ئەمیری حاجیان بێ تا جێگای عیبادەتەكان دیاری بكات بۆ خەڵك و بە موشریكانیش ڕابگەیەنێ كە نابێ پاش ئەم ساڵ بێن بۆ حەج و ئەم چەند ئایەتەی (بەڕائەت)ـیان بۆ بخوێنێتەوە كە باسی نەمانی پەیمان لەگەڵ موشریكاندا دەكات، پاشان عەلیشی نارد تا ئەو وەك خزمی نزیكی پێغەمبەر لەباتی پێغەمبەر (ﷺ) ئەو شتانە ڕابگەیەنێ، چونكە باوی ئەو سەردەمەیش وابوو پەیمان هەڵوەشاندنەوە بە دەستی گەورەی سەردەم بوو جا ئەگەر خۆی نەبووبێ ئەبێ كەسێكی خزمی نزیكی، ئەو هەڵوەشاندنەوەی ڕابگەیاندایە#مهدي_الشيشاني #سورة_التوبة #لااله_الا_انت_سبحانك_اني_كنت_من_ظالمين #اللهم_صل_وسلم_على_نبينا_محمد #اسغفرالله_سبحان_الله_الحمدالله - @dlzar999